Popular Bible Verses from 2 Abhakörintö 9

Share

Hayö ho Waryobha araabhangʼoore bhököngʼu, okokera bhono mukutuna, okore nkaagha syonswe igho, mobhe na kera ëkëntö keno mukutuna. Ni-igho araabhakorre, okore möghëndërri okokora amangʼana amaiya amaaru agha ökötöörrya abhantö.

Kera ömöntö aruusi kya bhono akutuna mo-nkoro iyaaye, atakaaruusya kwa okobhaabhayera handë kwa ukusingʼirribhwa, ko bhoora Waryobha, nahanshirë ömöntö ono akuruusya kwa nkoro nshiiya.

Muhiite engʼana eno igha, “Ömöntö ono akwëmya hake igho, okoghesa ukwaye kwonswe n-koke igho. Kasi ono akwëmya ahanene, okoghesa ukwaye kwonswe n-kwaru.”

Waryobha we akohaana abhantö imbusiro, bhëmya, na ibhyakorya ibhya okorya, naraabhaane imbusiro insharu iya ukubhusura, igha, naraabhakore mobhe abhantö abha heene ko okohaana abhantö ëbhëntö. Moraamëhibhwi kö-bhëntö ibhyaru, okore möghëndërri okobha abhantö abha ökösërëënia abhantö abhandë nkaagha syonswe igho. Hayö ho abhantö bharaakumi Waryobha ko okoghera iya ëbhëntö bheno tokobhaherra.

Waryobha akumibhwi ko okoghera iya ituho iyaaye eno ëhëtërëëyë bhyonswe igho.