Popular Bible Verses from Abharuumi 8

Share

Ntomanyirë bhuuya igha, Waryobha nkokora arë amangʼana amaiya hamwë na abhantö bhano bhamohanshirë, bhano yaabherekera ko okohansha ukwaye umwene.

Nemanyirë bhuuya igha, teeho engʼana eno eraakaani Waryobha atakaatohansha. Ntokaabha bhahöru, handë ntokaakwa, kasi Waryobha naraaghëndërri okotohansha. Kora taaho maraika, handë abha ubhwera, handë ëbhëntö bhyonswe igho ibhya obhotoro, tebheetore ukutwahora ukurwa ku-righonshe irya Waryobha. Nekaabha igha na amangʼana ghano ghakwikora bhoono igho, handë ghano ghariisha, handë ibhya mu-ryobha, handë ibhya mu-kyaro ikya abhaku, handë ëbhëntö ibhyëndë bhyobhyonswe bheera, tebheetore okorebherra Waryobha atakaatohansha. Righonshe riyö yaarehonyora kö-bhëëtö, ko okohetera ko-Monene uwëëtö Kiristo Yëësu.

Hamwë na ghayö ghonswe igho, Umwika Ömöhörëëru we akötötöörrya ku ubhwera obhoke bhono toonabho. Ko bhoora igha tetomanyirë okosabha ëkëntö keno kingʼarëëyë bhëëtö okosabha Waryobha uwëëtö. Ku bhuyö Umwika Ömöhörëëru we akotosabhera ku-Waryobha kö öbhörrö bhono bhotakoghambwa.

Bhoono iyakë tokaaghamba ko-mangʼana ghayö? Hano oraanyoore nku-kiina ikya Waryobha törë, m-maheene ömöntö uwa okotobhaaha, taaho hë.

Mbe, bhoono ni-igha, Waryobha taashibhi abhantö bhano bhaana öbhömwë na Kiristo Yëësu.

Ömöntö ono sehakëri isyaye sekotangatwa na esemoko iya öbhököri ubhwa ëbhëbhë, uyö nu-ruku urwa amakora ghonswe igho akwireetera. Kasi ömöntö ono akotangatwa na Umwika Ömöhörëëru, uyö naana öbhöhöru ubhwa amakora ghonswe igho, kora naana omorembe.

Ntokaanyoora inyanko yoyonswe igho, kasi bhëëtö ntoraaghëndërri okobhaaha, ko bhoora Kiristo ono atohanshirë we akötötöörrya.

Ku bhuyö inyaanyi iyëëtö iya bhoono igho, të-këntö hë, hano nagherengʼaania na ubhuhika bhono Waryobha aretohaana.

N-këntö kë keraatore okorebherra Kiristo atakaatohansha. Kiristo naraaghëndërri okotohansha, ntokaabha mu-nyaanyi indito, handë mu-nyanko, handë mo-mateeso, handë mu-nshara, okobhorwa singibho, okohona ukukwa, handë ukukwa.

Waryobha ono akwitaaha ghonswe igho ghano gharëngë mo-senkoro isya abhantö, we amanyirë amaitegherro agha Umwika Ömöhörëëru uwaaye. Umwika Ömöhörëëru uyö, nkosabhera arë abhantö abha Waryobha bhono Waryobha akutuna.

Abhantö bhonswe igho bhano bhakotangatwa na Umwika uwa Waryobha, bhayö mbo abhaana abha Waryobha.

Ömöntö ono akotangatwa na esemoko iya öbhököri ubhwa ëbhëbhë, sehakëri isyaye nsëhanshirë okokora amangʼana agha ëbhëbhë. Kasi ono akotangatwa na Umwika Ömöhörëëru, uyö sehakëri isyaye nsëhanshirë okokora amangʼana ghano ghakushomera Umwika Ömöhörëëru.

Waryobha tiyaabhaayë na ikyabhera ko-Moona uwaaye hë, kasi akamokora abhe ikimwenso ko okoghera iya bhëëtö bhonswe igho. Ko bhoora igha, yaakora Omoona uwaaye abhe ikimwenso ikyëtö, ku bhuyö naretongʼoora obhongʼoore ubhwa amangʼana amaiya ghonswe igho, okohetera ku-uyö.

Umwika Ömöhörëëru uyö, we akokangʼasërrya mo-senkoro isyëtö igha, bhëëtö m-baana abha Waryobha törë. Mbe, nyoore bhëëtö m-baana abha Waryobha törë, m-bëëtö abhari abha umwandö ughwa Waryobha, hamwë na Yëësu Kiristo. Kasi bhoono keno kikutunwa, nö-köghömërrya inyaanyi kya bhono Kiristo yaaghömërrëëyi. Hayö bhoono ho törëtöönibhwa hamwë nawe.

Ömöntö ono akotangatwa na esemoko iya öbhököri ubhwa ëbhëbhë, uyö m-mubhisa uwa Waryobha. Takwikërrya ukwighwera amaraghërryö agha Waryobha. Kora takotora okoghaighwera hë.

Ëbhëntö bhyonswe igho bheno bhyaabhombwa, nkoghanya bhërë bhököngʼu, enkaagha eno Waryobha arehonyora harabhu igho abhaana abhaaye.

Tomanye igha, okohekera bhoono igho, ëbhëntö bheno bhyaabhombwa bhyonswe igho, nkukuura bhërë bhököngʼu kya omokari ono akoromwa ebhesa.