Popular Bible Verses from Matayo 5

Share

Nemeinoki sii lkilang'ilang'et nepukurokini loket, kake kepiki nkeper e ng'oji netala, payie eitoong ltung'ana pooki ootii nkaji. Nejia sii entaas ntae: Enchoo wong'an inchi metoong'a tekue ltung'ana, payie edol ninche asat inchi supati neisis Papa linchi oti chumata.

<<Irara ntae wong'an e nkop. Meisudoroi lkerenket otii nkeper e ldonyuo.

Emayiana lolo oaata ltauja supati, amu kedol ꞉ninche Nkai.

Emayiana lolo oaata sumach o nkure e sotua oipida o Nkai, amu keitiemuni ninche.

Kake kajoki nanu ntae, entacham lmang'ati linchi, niomonokiki lolo ooitam ntae sina

<<Emayiana lolo ooyielo aajo laisinak era taa ltauja, amu nenche nkitoria e chumata.

Emayiana lolo ooitemeleticho, amu keipoti ninche aajo nkera e Nkai.

Emayiana lolo ooichir, amu keitigiri ninche.

Emayiana lolo ooitami sina tankaraki naata sotua oipida o Nkai, amu nenche nkitoria e chumata.

Emayiana lolo oaata lng'er, amu keing'erruni ninche.

<<Imayianana tenedeki ntae, neitami sina, neiteenikini ntae mbaa pooki torrok e sapare tankaraki nanu. Enting'idata, nichipapa amu keikitok laata inchi te chumata, amu nejia apake eikuna payie eitam sina loibonok le Nkai ootii tekue ntae.

Emayiana lolo oobor, amu ninche oojung nkop.

<<Irara ntae makaat e nkop, kake amaa, teneichunyie mpijan, nyo epiki aitoki payie epiju? Merokure eata tipat, mara tenenang'ari boo meeidacha ꞉ltung'ana.

Naaku, kore sii ntae, entaa lemeata ntioto ana payie era Papa linchi oti chumata lemeata ntioto.

Enchoo <ee> inchi metaa <ee> o <mara> metaa <mara,> amu kore nkae namara ana, naa ilo torno eing'uaa.

<<Itining'o apa aajo ketejoki, <Tinikikurtu ꞉ltung'ani nkong'u, nekurtuni sii nenye, naa tinikintai lalae, neitaini sii lenye.> Kake kajoki nanu ntae, emimbooyo ltung'ani torno. Tinikiwoch ꞉ltung'ani seder e tetene, wuatuwuataki, mikitoocho nkae.

Kore tinikintasur ꞉nkong'u ino e tetene taasa ng'oki, tukurtu, nturrai. Amu naikach tininturraa rubata nabo e sesen, alang teneitodokini sesen lino pooki atua lmoti le nkima. Kore aitoki tinikintasur nkaina ino e tetene taasa ng'oki, tudung'u, nturrai. Amu naikach tininturraa rubata nabo e sesen alang teneitodokini sesen lino pooki atua lmoti le nkima.