Popular Bible Verses from Apakuk 1

Share

Iwe, ewe Samol mi Lapalap a üreni nöün aramas, “Oupwe nenengeni chon ekewe mwü mi nom ünükümi, oupwe mairü o weitifengenikemi ren mine oua küna. Pun üpwe föri och föför lon ränin manauemi, ousap mochen lükü ika eman epwe ürenikemi.

Ai Samol mi Lapalap, ifa ükükün fansoun ai üpwe siö ngonuk pwe kopwe awora om alilis, nge kopwap aüselinga? Ifa ükükün fansoun ai üpwe siö ngonuk fän iten ewe angangen mwänewüs, nge kopwap amanauakem?

Pwota ka föri pwe üa küna ei sokun weires? Pwota ka tongeni nenengeni ei sokun föför mi ngau? Feiengau me angangen mwänewüs ra nonom mwei, fiu me änini ra fis ekis meinisin.

Iei mine allük a apwangapwangala, nge pwüngüöch esap pwönüetä. Pun ekewe chon pwüng ra oo ren ekewe aramasangau, iei mine pwüngüöch a sosor.