Popular Bible Verses from Johannes 14

Share

Kinamwe üa likiti ngenikemi, ai kinamwe üa fang ngenikemi. Ai lifang esap wewe ngeni än fanüfan lifang. Ousap lolilen lon lelukemi, ousap pwal niuokus.

Jesus a üreni, “Ngang ewe al me ewe let me ewe manau. Esap wor eman epwe tongeni feila ren Semei me lüki.”

Iwe, Jesus a üreni nöün kewe chon kaiö, “Ousap lolilen lon lelukemi. Oupwe lükü Kot, nge oupwe pwal lüküei.

Nge ewe Soualilis, ewe Ngünmifel, Semei epwe tinato fän itei, epwe aiti ngenikemi ekei mettoch meinisin o achema ngenikemi meinisin mine üa fen ürenikemi.

Iö a etiwa ai kewe allük o aleasochisiir, i ätewe mi echeniei. Nge iö a echeniei Semei epwe echeni. Pwal ngang üpwe echeni o pwäri ngeni ususi.”

Üpwe tüngor ngeni Semei, iwe i epwe ngenikemi pwal eman Soualilis, epwe nonom remi tori feilfeilachök. I ewe Ngünmifel, a pwärätä mine a let usun Kot. Chon fanüfan resap tongeni angei, pun resap tongeni küna are silei i. Nge ämi oua silei i, pokiten a nonom remi, epwe pwal nonom lomi.

Iwe, meinisin mine oupwe tüngor fän itei üpwe apwönüetä, pwe Semei epwe küna ling rei. Are oupwe tüngor och fän itei, üpwe apwönüetä.

“Iwe, are oua echeniei, oupwe aleasochisi ai kewe allük.

Mi wor chomong ruum lon imwen Semei. Üpwe feila o amolätä leniemi. Üsap ürenikemi ei are esap let.

Mürin ai üpwe feila o amolätä leniemi, üpwe pwal liwinsefälito o angeekemi, pwe oupwe nonom rei, pwe ia ngang üpwe nom ie, iei ämi oupwe pwal nom ie.

Iwe, Tomas a üreni, “Ai Samol, äm aisap silei ia kopwe feila ie. Epwe ifa usun äm aipwe silei ewe al?”