Popular Bible Verses from Mateus 24

Share

Pokiten a wattela föföringau, epwe patapatala ewe chen lefilen aramas. Nge iö epwe likitü tori lesopolan epwe küna manau.

Iwe, aramas repwe afalafalafeili ewe Pworausen Manau usun ewe Mwün Kot won unusen fanüfan, pwe epwe eu minen pwärätä ngeni aramas meinisin. Mürin epwapw tori fansoun sopolan.

Oupwe rongorong akürangen maun me pworausen maun, nge ousap niuokus. Ekei mettoch repwe fokun fis, nge esap tori mwo fansoun sopolan.

Fanü me fanü repwe fiufengen o mwü me mwü repwe maunfengen. Epwe wor lengita me chechechin fanü ekis meinisin. Ekei riaföü meinisin ra usun chök ekewe metek eman fefin a eäni me mwen an epwe nöünöüla.

Läng me fanüfan repwe morola, nge ai kapas kana resap fokun morola.

Pun chomong aramas repwe feito fän itei o apasa, ‘Ngang Kraist!’ Iwe, repwe atupala chomong aramas.

Mürin repwe fötekinikemi, repwe atolongakemi lepöün chokewe mi ariaföüükemi o nikemiila. Aramas meinisin repwe oputakemi pokiten itei. Iwe, chomong repwe fangatä ar lükülük lon ena fansoun, repwe afangamäfengeniir lefiler o oputafengeniir. Mürin chomong soufos chofona repwe feito o atupala chomong aramas.

Jesus a pölüeniir, “Oupwe mamasa, pwe esap wor eman epwe atupukemi.

Iei mine pwal ämi, oupwe molotä fansoun meinisin, pun Nöün Aramas epwe war lon eu otun ousap ekieki ngeni.

Iei mine oupwe mamasa, pun ousap silei lon meni rän ämi Samol epwe wareto.

“Esap wor eman a silei ewe rän are ewe kulok ekei mettoch repwe fis lon, sap mwo nge ekewe chon läng are ewe Nau, nge ewe Sam echök a silei.

Pun kraist chofona me soufos chofona repwe war o föri asisil me manaman mi lapalap, pwe repwe mwo nge atupu ekewe chon fil are repwe tongeni.

Ewe fansoun waren Nöün Aramas epwe usun chök met a fis lon fansoun Noa. Lon ekewe rän mwen ewe noter, ekewe aramas ra momongö o ükün, ra pwüpwülü o akapwüpwülüür tori ewe rän lupwen Noa a tolong lon ewe waimw. Resap silei mine epwe fis tori ewe noter a war o niirela meinisin. Ina usun mine epwe fis lupwen Nöün Aramas epwe war.