Popular Bible Verses from Markus 10

Share

Pun ewe mwo nge Nöün Aramas esap feito pwe aramas repwe angang ngeni, nge a feito pwe epwe angang ngeniir o fangala manauan fänäsengesiir pwe möön manauer.”

Nge Jesus a newenewen ngeniir o a üreniir, “Ei sokun esap tufich ngeni aramas, nge sap ina usun me ren Kot. Pun mettoch meinisin ra tufich ngeni Kot.”

Jesus a üreni, “Kopwe feila, om lükülük a alisuk.” Lon ewe chök otun ewe mwän a küna mwan o tapwela mürin Jesus won ewe al.

Iwe, mine Kot a rifengeni, esap wor eman aramas epwe mwütifeseni.”

Iwe, Jesus a newenewen ngeni pokiten an tongei o a üreni, “Eu chök ka mang ngeni. Kopwe feila o amömöla meinisin mine ka eäni. Nge ewe moni kopwe fang ngeni chon wöüngau, pwe epwe wor woumw lon läng. Mürin kopwe feito o tapweto müri.”

Iwe, Jesus a üreni, “Met ka mochen üpwe föri ngonuk?” Ewe mwän mi chun a pölüeni, “Sense, ngang üa mochen pwe üpwe küna mwei.”

Nge esap iei usun lefilemi. Pun iö a mochen lap leimi, epwe chon angang ngenikemi

Enlet, üpwe ürenikemi, ‘Are eman esap etiwa Mwün Kot usun eman semirit, esap tongeni tolong lon.’”

Iwe, chomong mi akom repwe kükümwir, nge chomong mi kükümwir repwe akom.”

Nge seni lepoputän, lupwen Kot a föri fanüfan, a föri mwän me fefin. Iei mine eman aramas epwe likitala saman me inan o pache ngeni pwülüan. Iwe, ekewe ruoman repwe wiliti eu chök inis. Iei mine resap chüen ruoman, pwe eman chök.