Popular Bible Verses from Markus 13

Share

Aramas meinisin repwe oputakemi pokitei. Nge iö epwe likitü tori lesopolan epwe küna manau.

Oupwe mamasa o afälikemi, pun ousap silei inet ewe fansoun epwe war lon.

Iwe, lupwen repwe fötekinikemi o emwenikemiilong lon kapwüng, ousap öüreki me mwan mine oupwe apasa. Lon ewe chök otun epwe torikemi mine oupwe apasa, pun sap ämi oupwe kapas, nge ewe Ngünmifel.

Läng me fanüfan repwe morola, nge ai kapas kana resap fokun morola.

“Esap wor eman a silei ewe rän are ewe kulok ekei mettoch repwe fis lon, ekewe mwo chon läng, ika ewe Nöün Kot resap pwal silei, pwe ewe Sam chök.

Nge lupwen oupwe rongorong akürangen maun me pworausen maun, ousap niuokus. Ekei mettoch repwe fokun fis, nge esap tori mwo fansoun sopolan.

Iei mine oupwe mamasa, pun ousap silei inet samolun ewe imw epwe war, are epwe war lekuniol, are lukenipwin, are wünümweerän, are lesosor. Are epwe müttir feito, esap öch an epwe künok lon om möür. Mine üa ürenikemi, üa üreni aramas meinisin: Oupwe mamasa.”

Ekewe fanü repwe fiufengen o ekewe mwü repwe maunfengen. Epwe wor chechen fanü me lengita ekis meinisin. Ekei riaföü ra usun chök ekewe metek eman fefin a eäni mwen an epwe nöünöüla.

Nge ewe Pworausen Manau epwe akom tori aramasen fanüfan meinisin.

Chomong aramas repwe feito fän itei o apasa, ‘Ngang Kraist.’ Iwe, repwe atupu chomong aramas.

Oupwe püsin mamasakemi. Pun repwe fötekinikemi o emwenikemiilong lon kapwüng. Repwe wichikemi lon ar kewe imwen felikis. Oupwe ütä mwen ekewe kepina me king pokitei, pwe oupwe pwärätä ngeniir mine a let.

Pun kraist chofona me soufos chofona repwe war o föri asisil me manaman, pwe repwe atupu ekewe chon fil are repwe tongeni.

“Lon ekana rän, mürin ewe fansoun riaföü, akkar epwe rochola, maram esap chüen tittin, ekewe fü repwe turutiu me läng, nge ekewe manamanen läng repwe mwöküt seni lenier.