Popular Bible Verses from Markus 6

Share

A fokun wor chomong aramas mi feito o feila, pwe Jesus me nöün kewe chon kaiö esap chüen mwo nge wor fansoun ar repwe mongö. Iei mine Jesus a üreniir, “Ousipwe feila oukich chök lon eu leni mi toau seni lenien aramas, pwe oupwe tongeni ekis asösö.”

Iwe, Jesus a üreniir, “Eman soufos a wor meninin ekis meinisin, nge esap wor meninin lon poputän telinimwan, me ren aramasan me an famili.”

Iwe, lupwen Jesus a tötiu seni ewe wa, a küna eu mwichen aramas mi chomong. Iwe, a fokun tongeer, pun ra wewe ngeni sip esap wor nöür chon mas. Iei mine a popuetä le afalafala ngeniir chomong mettoch.

Iwe, Jesus esap tongeni föri manaman ikenan, pwe a chök iseis pöün won ekoch aramas mi samau o apöchöküleereta. A fokun neneiruk pokiten ekewe aramas resap lükü. Mürin Jesus a feila ngeni ekewe sopw ünükün o a afalafala ekewe aramas.

Mürin Jesus a angei ekewe limeföü pilawa me ekewe ruoman ik, a sachetä läng o iotekin kilisou ngeni Kot won. A kinikisiretiu o a ngeni nöün kewe chon kaiö, pwe repwe ineti ngeni ekewe aramas. A pwal ineti ekewe ruoman ik, pwe epwe tori ekewe aramas meinisin. Iwe, ir meinisin ra mongö o ra mötüla. Mürin ekewe chon kaiö ra ionifengeni o amasoua engol me ruu chüük ren lusun ekewe pilawa me ekewe ik.