Popular Bible Verses from Jɔnə 14

Share

Maŋ mɛdtə̂ mbwɔ́dnə á mbô pəənə́, lə́ mbwɔ́dnə mə páʼ maŋ fɛ̂ nə́ á mbô pəənə́. Maŋ kě fɛ̂ lə́ a pə́ ándó pɨ pə́ mbî pö fɛ̂ nə́ lə́ pô. Kɔ nə́ pí məntɨ́ mɨ́ mə́ jwaʼə̂ áwə́ənə́, kɨ ńchî nə́ apɔ́gə.

Yeso a sóŋə á mbô yí ńgə́, “Maŋ lə́ ndúmə, ḿbə́ ndə̌ŋdəŋə́, ńkə́ ḿbə́ nchîmbîə, təmbɔʼ ŋwunə a kě á mbô Tǎ ghɛn təghə́ a laŋə̂ á mbô maŋ pô.

Yeso a sóŋə á mbô ngaŋə́zoŋə́ndzəm əjí ńgə́, “Kɔ məntɨ́ mɨ́ mə́ tə́ ńjwaʼə̂ áwə́ənə́, néŋ nə́ ntɨ́ nə́ Əsê ńkə́ néŋ ntɨ́ nə́ maŋə.

Lə́ Nkwá ə́wə́, páʼ a pə́ nə́ Ajwǐəsê lə́, yi páʼ Tǎ mə a yǐ nə́ tú nə́ əlɛ́n mə, a yǐ zéʼkə áwɨ́ nə́ anuə atsəm, ə́ tíʼ ghɛd nə́ kwúmtə mənu mətsəm páʼ maŋ nə̈ sóŋ nə́ á mbô pəənə́.”

Ŋwu ntsəm páʼ a pí nə́ məntəgə́ mə ńkə́ ńdzóʼnə á mɨ́d, lə́ ŋwu páʼ a kɔŋ nə́ mə; ŋwu páʼ a kɔŋ nə́ mə, Tǎ mə a yǐ kə́ kɔŋə̂ yə́, maŋ kə́ ńkɔŋə̂ yí ńtíʼ ńnɨd mbəəmə mə á mbô yə́.”

Lə́ maŋ yǐ pítə a Tǎ mə, a tíʼ ə́fɛ̂ Nkwá əwɨ yi ndaʼ páʼ a yǐ nə́ mɛdnə̂ pɨ pó ngǎ mɔʼə́. Tsɔ́ʼə Ajwiə á ndə̌ŋdəŋ, páʼ təmbɔʼ mbî kě kwá pô, ńté ńgə́ mbî kě yï zə́ənə pô ńkě kə́ ńjî pô. Lə́ nə́ pə́ ńjîə yí ńté ńgə́ a mɛdnə̂ pɨ po ə́ yǒ kə́ chî pɨ po.”

Anuə atsəm páʼ pɨ yǐ nə́ ḿbítə nə́ əlɛ́nə mə, maŋ yǐ faʼə̂ zə́ələ́, ńjî ńgə́ Tǎ a yǐ ńtúgə nəgháʼ əyǐ ńté mɔ́ əyǐə. Təmbɔʼ nə́ pítə anuə atsəm nə́ əlɛ́nə mə, maŋ yǐ faʼə̂ zə́ələ́.

“Təmbɔʼ nə́ ńkɔŋə̂ mə tə ḿbə́ nə́ yǐ lɔʼkə̂ məntəgə́ mə.

Á mə́m ndɛ̂ Tǎ mə, ətɔ́g ə́ chî ə́wɨ́ ńnə́ənə, təmbɔʼ a pěʼ ńchî lə́ ə́lɨ́d chî pô, tə ḿbə́ maŋ kě nə́ pɨ tə́ ə́sóŋə ńgə́ maŋ yǐ ghɛn tsoŋkə̂ aliʼə́ á mbô pɨ pô?

Ndzaŋ ándó maŋ yǐ nə́ ghɛn tsoŋkə̂ aliʼə́ á mbô pɨ lə́, ə́ tíʼ yǐ ngǎ yitsə̌, ə́ lɔgə̂ wɨ́ ghɛn nə́ pəənə́ á aliʼ páʼ mäŋ ghɛn nə́ ə́wə́, ńjî ńgə́ aliʼ páʼ maŋ chî nə́ ə́wɨ́ nə́ kə́ ńchîə azɨ́ ə́wə́.

Tɔməsə a sóŋə á mbô yí ńgə́, “Mmaʼmbî, pəg kě aliʼ páʼ gho ghɛn nə́ ə́wɨ́ lə́ jî pô, təmbɔʼ pəg pə́ ńjî ndú yi ə́wɨ́ lə́ ə́fó?”