Popular Bible Verses from Magə 6

Share

Pɨ pə́ nə̈ ńgyǐ nə́ ńkə́ ńgɛnə̂ pó nə́ nɨ́ tə́shú tə Yeso pópə ngaŋə́zoŋə́ndzəm əjí kě túg ndɛd təmbɔʼ pó jîə ajú pô. A tíʼ ə́sóŋə á mbô pó ńgə́, “Yǐ nə́ pɛn ghɛnə̂ aliʼ yitsə̌ tsɔʼə pɛn pɛn ńjî ńgə́ mbɔʼ nə́ nyáʼ ńjwitə̂.”

Yeso a sóŋə á mbô pó ńgə́, “Pə̈ ghóʼkə ntûsê aliʼə́ atsəmə, lə́ ḿbə́ ńkě yə́ aláʼ pó ghóʼkə pô, pəlim pí pópə ndɛ̂ əzɔb kě yí kə́ ńgóʼkə pô.”

Əghâ ándó Yeso a nə fɛ́d nə́ á mə́mə aŋkənúʼə́ lə́, ńjɨ́ mboŋ pɨ, ńtíʼ ńtúgə akóolə́mə́lə́ŋə á mbô pó ńté ńgə́ pó nə́ ńchî lə́ ándó məmbéŋ mə́ ndzɛd mə́ tə ntseŋnə. Ńtíʼ ńchwáakə á mə́ zéʼkə nə́ ághɔ́b nə́ mənu mimə nɨ́ nə́.

A nə ńkě əkɨʼnəmə́nu pətsə́ ə́wɨ́ ghɛd pô, tə ńdéʼtə ńgə́ a noŋkə̂ mbô míə atû pɔ́ pə́ ntaʼlə pəghɔ pətsə́ ńtsóʼə ághóobə́. Á nə ńkɨʼnə̂ Yeso ndzaŋ pó nə ńkě nə́ mbimə́ túg pô. Yeso a tíʼə ńkéelə ńnyinə̂ ńdzéʼkə, ə́fɛ́lə nə́ táʼə aláʼ ńkwúnə nə́ yətsə́.

Yeso a lɔgə̂ apá zə̂ ntáʼ tâ nə́ əshû zə̂ ntáʼ pɛ̌ ńtíʼ ńnáŋ nəpó fɛ̂ ndǎ á mbô Əsê, ḿbagtə̂ apá zə̂ ə́fɛ̂ á mbô ngaŋə́zoŋə́ndzəm əjí, pó tíʼ ńgabtə̂ á mbô ŋwu ntsəmə. A kə́ mbɨ ńgabtə̂ əshû zə̂ ntáʼ pɛ̌ á mbô ŋwu ntsəmə. Ŋwu ntsəmə a nə ńjî tə ńdzɛ́lə. Ngaŋə́zoŋə́ndzəm əjí ə́ tíʼ ńdagtə̂ əpuʼ əpá pópə əpuʼ əshû ə́ nə ḿbɛ́d nə́, ə́ pə́ mənka ntsɔb pɛ̌.