Popular Bible Verses from Máakúsʉ 6

Share

A lâʼ lə́ páp ngô: «Pei tó paghʼə lə́r lə̂ yʉʼ yi káa ŋuu pə̂ yé wó, ə́ pei nyêʼ nzə́tə́.» A lâʼ yə́rə́, ńté no lâʼ lə zâa, pəcó pye pə̂ ndə́r, pəcó pə̂ ntó tə káa gháp pə ngaŋə-ntə̂u* yé kə̂ ngwô gháp mpfu yi mboʼ gháp zʉ̂ zə̂u.

Ə́ pə̂ yə́rə́ Yěso lâʼ lə́ páp ngô: «Káa pə pə́ mpfû yé ntsətə-nkəʉ Sê* shʉʼʉ ə́ lâʼ páp, ə́ cər cʉŋə-ndə̂ záp mbaa nzeʼ páp.»

A kə̂u yʉʼ wó, ə́ fú cər kənyúʼ ńkwár, ə́ njwó lâʼ, məjʉ̂ŋ máp kô yé, ńté no gháp lə cʉ́ʼ mbə́ pə́ ghíʼ məndənzʉ mi ŋuu yi a koghʼə gháp kâa pə̂ yé wó lə̂. Ə́ njǐ lə̂ njyéʼ gháp məno tə nzáa.

Ə́ lə təi mbó zʉ́ tə káa a pə́i kûʼ yé lə̂ ngʉ̂ cǒ nkəʼə-no wó, tə ndyéʼ ghíʼ a lə zápə́ mbô lə́ pəcó pəghou, ə́ ngʉ̌ gháp shwítə. Ə́ pə̂ nkə́ʼə Yěso ghíʼ kâa gháp ghwô gháp pə̂i-ntə̂ʉ nzəm Sê. Ə́ lei yə́rə́, a cʉ̂ʼ ŋáa ŋə́i cər məlâʼ mi ə́ pə́ məpar lâʼ páp, ə́ njyêʼ pye no Sê.

Yěso pfû mbələ̂ghʼ wêi ntâʼ ntaa gháp pə shû ntâʼ pwô, ə́ mbəʼə́ tû yé, ə́ ŋə́ nkhwo mbó Sê. Ə́ mbwóʼtə́ mbələ̂ghʼ ńŋə́ lə́ ngaŋə-jyêʼ-no* yé, ghíʼ gháp ghâptə́ lə́ lâʼ, ə́ nkə́ ncí ngʉ́ pə́ yə́rə́ lə̂ shû. Gháp pə́tsəm pfâr, ə́ njwə́r. Pə́ kəitə məpfuʼ mbələ̂ghʼ tə mbaa mi shû mi ə́ vuʼú, ə́ lóghʼə pətyép ntsap pwô lə̂ ləghə̂m.