Popular Bible Verses from Yohana 19

Share

Nënaa Yesu wamënywa changa asëë, mweeso agahanya, “Yakhondaa.” Na againamya itwe rakwe na agatëna nkhoo.

Nënaa asaa akhonda, Yesu kunu umanyie mwino oong'e na adahëka, agahanya (ëyëë na utënda andëko rëkhondeke), “Nahumwa nyweta.”

Nënaa Yesu wamwona nyinya nanë musëywi unë na mweeso umwanjëte vimëkie fifë, Yesu agamwëëra nyinya, “Yiu, rarava mwanako!” Kangë Yesu agamwëëra musëywi wasuu, “Murarave yiu wako!” Ufuma itungo rasëë musëywi wasuu agamuhora nyinya amwa Yesu agamutoa ukhaakwe.

Ëgweeso nënaa vaja kunë Yesu na umwona mwino naa wakuyaa, veeso vinamëunanga mëghuu akwe. Ëgweeso umwedu wa asikee agamuhoma mu uvaru wakwe gwa mukoha, na gënyafaafo saghami nanë majë ëgadua.

Uvii mantu ayaa ëndie udwëëra gusoko andëko rëdahe ukhondekeka, “Gutie ikufa rakwe nërëgaunwa.” Na kangë andëko rëngëja rëuhanya, “Veeso vinjë umurarava mweeso unë vendie umuhoma.”

Uvii vëgamuhora Yesu, na mweeso agadua gunji kunu wikenkeye musalaba wakwe, faka gitumbë nërëutanwa ikufa ra itwe, unë rëutanwaa gwa Gëeburania Goligota.

Na asikee vëgatuma ngaa a maghuya, na vëgamuryecha gitwe. Na veeso vëgahora isaa ra ikeru ra sambarau na vëgamuryecha mweeso.