Popular Bible Verses from Epacerero 15

Share

Vano Abraamu aamwaakhulela Yave, tivawo Muluku aamwaakhenlaawe ntoko oororomeleya.

Vano, vahoolo wa yeeyo Yave aahiixoonihera wa Abraamu, anamweerela: “Muhoove Abraamu, Miyo ti yoowiixaakiheraanyu, ni munookhalano ntthuvelo ntokotoko.”

Muluku aamulamulela okhumela vaate, anamweerela: “Ngwehe wiirumu. Moone, mwawera, waalikela ithenyeeri. Niwoko hiiho oneeraaya okhale waatta wa atthu a ekhapiraanyu.”

Vano Yave aamwaakhula: “Kharwa akhala yoowo namahiyeriwaanyu. Hoye, mwaana muneeraanyu mungyare aneera akhale namahiyeriwaanyu.”

Vano Muluku aamweerela: “Musuwele weera anamwane a ekhapiraanyu eniikhale ntoko anamarwa mweelaponi yoohikhala yawaya ni eniyeereke opuheriwa ni ohasuliwa wookwana ehuhu ya iyaakha macira maxexe.

Abraamu aamwaakhula: “Ii! Adonai Yave, heeni mungweraanyu okivaha miyo, woonaka weera nkinkhalanne mwaana? Ori murumeiyaaka Eliyezeri, a oDamasku paahi aneera akuxe mihakhusaka?”

Nihiku nenenenne Yave aakhaliha wiiraana onttharelana ni Abraamu: “Kinoovaha ekhapiraanyu elapo ela, okhuma mukhwipi mwa wExipitu mpaka mooloko mutokweene Efratesi.

Mwa epuumba yanaaxexe, anamwane a ekhapiraanyu, eniihokoleele wenno, niwoko otakhala wa awAmori nlelo khoonaaye okwanela.”