Popular Bible Verses from Lucas 12

Share

Ninyajj miits, a'ijxtë jüky; jä'ku nit nijkxy Yës Teety y'uu'nk myiny maj miits wyä'në xkakkumay.»

Ijxta'atë jawyiin Yës Teety kyuttujjkë'n, nits xpaat'të't tukkë'yë mati' miits mka'ijjtxëtë'p.

Jäts jyakwaany: —Na'y'ijxy'ittëtë, katij x'appëjktëjjkëkyëxtë tukkë'yë pëntijjäty m'ijxtë'p m'aa'xtujktë'p; Jä'ku kä'ä yë' jotkujjk'ajjt xtappaajtë'n.

Pën maj miits xkoojnjë'ëky tukkë'yë mati' këjx'am tsowatp, jämts miits m'aaw mjoojt xkexy.

Oyë'mts ëëtë'm në'n njamaa'yë'n njattajjë'n, ¿Ntsoj y'ijxë ntuu'në'n jäts njüky'ajjt yaj naxwiiny nyëkyoo'në'n jaktu'kxëëw?

Nits Jesús tnëëjmjaay y'ixpëjkpëttëjjk: «Ixyam ëjts nwa'any: Katij xmaytyë xtajjtë tij mka'ytyë'p mjëë'kxtë'p jäts xtajükyëtë't, ok tij mwittëtë'p.

Ninyajjts miits, matsyoy Yës Teety mwaay tyëk'ity. Jakëjxts ëjts nwa'any katij mtsë'ëkëtë: Jawäänë këjx'am miits mtsowaaty, kä'ä në'n tsyowaaty nimay jon'uu'nk.

»Katij mtsë'ëkëtë, oy miits ni'ey ëjts xpattuu'yo'oytyë; Yës Teety, miits mteety'ajjt, mmo'owaajnëtë'p pya'ayoo'nkëjxm jüky'ajjt mati' jäm tsapjotm.

Ijxtë aa'xtuktë jooky: Kä'ä nyi'iptë yyu'utë, jäts kä'ä tëjjk tmëëtëtë maj tkoojnjë'ëktë't jyee'kxy; oyë'mts jä' jyanajjë kë'm jä' Yës Teety yyëkjee'kxyëtë. Ntsots xtijy y'ijxë Yës Teety mkayëkkayëtë't mkayëk'uukëtë't, nimëjj miits, kä'ä nyë'në yë' tanë'ëk mati' käkyo'ytyë'p.

Katij miits xmay xtajjy, tij mka'ytyë'p m'uuktë'p.

Ntsoj Yës Teety najj txöxy jä' aay jä' ujjts, mati' ixyam jäjp oy kä'xp kamjötypy jäts jawom tëj wyä'në tyëtskëjxnë, ¿ntsots y'ijxë miits xtijy mkaxoxëtë't? ¡Miits kattëyjyaa'w'eepyë jaa'y!

Jä'ku yëkpatp jä' tukkë'yë mati' yu'utsy ijtp, jäts yëknijaa'w'eepy jä' mati' yëktump amää'tsk.