Popular Bible Verses from LUKAS 17

Share

Ida raris ngandika ring ipun, sapuniki: “Bangunja tur kemaja mulih, kapracayan ragane ane suba nyegerang ragane.”

Yen diawaine ia pelih kanti ping pitu marep teken cening, tur sabilang ia pelih ia teka teken cening saha ngucap kene: ‘Tiang ngidih sinampura,’ cening patut ngampurayang ia.”

Saking pantaran anake sane dasa diri punika, wenten adiri riwau marasa dewekipune sampun seger, ipun raris mawali saha ngluihang Ida Sang Hyang Widi Wasa antuk suara sane jangih. Ipun raris sumungkem ring ajeng Ida Hyang Yesus, ngaturang panyuksma ring Ida. Anake punika jadma bangsa Samaria.

Yatnainja dewek ceninge! Yening nyaman ceninge madosa, glemekinja ia. Tur yen ia ngidih pangampura, ampurayangja ia.

Ida Hyang Yesus tumuli ngandika, sapuniki: “Ibusan ada anak ajaka dasa diri ane kasegerang, dijake ane buin sia diri?

Ida Sang Panembahan ngandika, sapuniki: “Yen cening ngelah kapracayan gedenne amun batun sesawine dogen, cening nyidayang ngucap teken punyan aane ene kene: ‘Mabutanja iba, tur matancebanja di pasihe,’ pedas ia nuutang munyin ceninge.”

Nyenja ane ngutamayang idupne padidi, ia tusing lakar muponin idup ane sujati. Nanging nyenja ane tusing ngingetang dewekne padidi, ia lakar muponin idup ane sujati.

Ida Hyang Yesus ngandika ring parasisian Idane sapuniki: “Mula lakar ada paundukan ane ngranayang anake madosa. Nanging sengkala pesan anake ane ngadakang paundukane ento! Melahan yen baong anake ento kagantungin pabaat aji batu pangilesan, laut entungang ka pasih, bandingang ia ngranayang sinalih tunggal cerik-cerike ene madosa.

Buka unduke dugas masan Dane Nuh, buka keto masih dimasan Ida Sang Putraning Manusa Utusan Ida Sang Hyang Widi Wasa. Anake pada mangan nginum, pada nganten lan kantenang, kanti teked didinan Dane Nuh munggah ka kapale, laut teka blabare gede nyirnayang anake ento makejang.