Popular Bible Verses from Éxodo 16

Share

Y'ënantë: Nikë oy jeexyë yë Dios të xytyimyaj'o'këmë jap Egiptë, yajxon ijty jap yë kaaypyäjn nwinkuwä'tsëmë ujts mëët yë tsu'utsy ets ijty njanty jyë'kxëmë koonëm yajxon nkuxëmë, e miitsëty koos yaa të xywyoowmiintëpë jëtu'un tpatnë o'kën tëko'oyën yowë të xytyuknimintës. Ënet ja Dios t'ënëmaay ja Moisés: Ntuknikäxantëp yam yë ka'ayën ukën may'äämpy mëti'ipë tso'onpën tsajpjotm, winjopy yë ja'ay tpëjkmujkojtëty yë jyi'kxy pyikyëty, jëtu'un tä t'a'ixëtën naje'eyë nyipaatëty tu'kxëëw. Ëjts n'ixäämpyës pën jyänty kuuytyuuntëp jëtu'un tääjës yam nikäjpxyën.

E ko jam jya'ajtë ma ja të'ëts'itën, ënätyë tnimëtyaktëjkëtyë wiinkjaty ja Moisés ets ja Aarón.

Tä yë Moisés ojts jyaakëna'any: Ko jyënäkyxyëëw'atëty jää yë Dios mo'oja'anëtë yë tsu'utsy mëti'ipë mtukkaytyëpën, e ko jyopyëp'atëty yë'ë mo'ojanëtëp yë tsajpkääky mëjwiin këjää, jä'ä ko yë'ë tëë tmëtoy ko miitsëty wiinkjaty xynyikajpx xynyimëtya'aktë, ëëtsëty ¿tii mëj'ajtënës n'ëkmëët'ajtëp? Ko miitsëty wiinkjaty të m'ëna'antë, ka'ap jëtu'un y'ëëtsëty të xytyijtë, Dios jëtu'un wiinkjaty të xytyijtë.

Tëës nnijawë ko yë Israel ja'ayëty je'eyë wiinkjaty myäytyë tyajtë. Paaty tyam kopkpëky ko xymyëkajpxëty ets xy'ënëëmëty: Ko jyënäkyxyëëw'atëty, ja tsu'utsy jää mtsu'utstëp, e ko jyopyëp'atëty yë tsajpkääky jää mkaytyëp, koonëm yajxon m'utstëty. Jëtu'unts xynyijawëtëty ko ëjtsë jëtu'un Wintsën mëti'ipë Tios'ajtpën.