1
Éxodo 8:18-19
Biblia Dc en Mixe de Quetzaltepec
Ja xëëwmääpyëtëjkëty näjyëtu'un ojts tjatunankojnëtëpë tjayajpëtsëmantë ja tsukts, e ka'ap ojts y'ëkmaayënëtë. Ya'atë tsuktsëty ëxëëk y'ëtëtstë ma ja'ayëtyën ets ma jëyujkëtyën. Paaty ja wijyjyä'äytyëjkëty ojts t'ënëmaaynyëtë ja yajkutujkpë: Tyaapë n'ijxëmën, Dios yë kyejxyp. Yë mëj'ënä'ämpë ninu'un kyakäjpxyjyä'äykyujkëy, ka'ap timmyëpëjky oy pën wi'ix jya'ënany, jëtu'un ojts nyäpyëjktä'äkyë tä ënety ja Dios të tnikäjpxyën.
Compare
Explore Éxodo 8:18-19
2
Éxodo 8:1
ënät yë Dios t'ënëmaay ja Moisés: Nëjkx xy'ixy yë mëj'ënä'ämpë ets xy'ënëëmëty: Jëtu'un yë Dios y'ënä'äny: Ëxmajtskës yë nnaax nkajpn wä'änës min xy'ëwtaty.
Explore Éxodo 8:1
3
Éxodo 8:15
E ja mëj'ënä'ämpë ko jëtu'un t'ijxy tëë y'o'kta'atë ja nooty, tä jatëkok ja mëkwinma'any tpaty, ka'ap tja'akyujkëy, tä ja Moisés ets ja Aarón jya'ëna'antën, jëtu'un ojts y'ëti'itsy, tä ënety ja Dios të t'akäjpxyën.
Explore Éxodo 8:15
4
Éxodo 8:2
Pën ka'apëtën xy'ëxmatsy ëjts nyaj'ëyowäämpyës yë mnaax mkajpn mëët yë maynyooty.
Explore Éxodo 8:2
5
Éxodo 8:16
Jëtu'un yë Dios t'ënëmaay yë Moisés: Ënëëmë yë Aarón wä'än tnajtstijë yë tyajk ets twojpyu'kxëty yë naaxway ets y'awinpijta'atëty maytyukts ma tëkokyë nyaax kyajpnën yë Egiptë.
Explore Éxodo 8:16
6
Éxodo 8:24
Jëtu'un ojts ja Dios tjantyyajtuny tjantyyajjatyë. Tä myäymyiintë ja aktsa'ak yootsën nëma'ajën ets tyajtuktujktaaytyë ja mëj'ënä'ämpë ja kyutujktakn, näjyëtu'un ja jyëën tyëjkëty ja wintsëntëjkëty mëti'ipë ënety mëët tyuntën ets tëkokyë jëtu'un yë Egiptë kajpn tukwa'këtyääytyë. Ya'atë may aktsa'ak mëj këjää y'ëyo'onpëjktäky jap Egiptë.
Explore Éxodo 8:24
Home
Bible
Plans
Videos