Popular Bible Verses from Genesis 3

Share

Jaxa ixuki, tojxta och sk'el ja sat ja te'i, oj ma b'ob' lo'xuk ma miyuk, b'a'ya kechan yuj ja sk'ela jel ok' sk'ujol, yuj ja jel ja jas wa sk'ana oj sna'i, ja'yuj ti stulu june ja sat ja te'i, slo'o. Tsa'an cho ya'yi ja statami, jaxa ye'n cho slo'oni'a.

B'a spetsanil ja chante jumasa sb'a yoj k'ul sk'u'lan ja Dyosi, mey pilan chan ma' jel wa sna'a yuj ja men b'its'il chani. Jun k'ak'u ja b'its'il chan jawi, ti yal yab' ja ixuki: —¿Ta jachuki yujni ye'n yala wabyex ja Dyos ja moka lo'ex ja sat ja te' jumasa b'a yaljil tek'uli?

—Ke'n mi oj ka a wil a b'aj sok lek ja ixuki; mi lek oj ka yil sb'aj, ja yintil jumasa ye'n, sok ja we'n. June ja yintil ye'n oj pach' yi ja s'olomi, jaxa we'n oj ja k'ux yi ja stop yoki.

Jaxa ixuki, ti yala yab'a: —Yajni oj ja man ja yala walatsi, —Jel oj ja wi' ja syajal wa b'ak'teli— a'nima jachukuk jastal jawi, oj ni cho a k'an oj ja wil awuntikil sok wa tatami, jaxa we'n yib k'ab'al oj ajyan sok.

—Jel tsats oj a'tijanan b'a oj ja ta' ja jas oj ja wab'i. Jach' oj ja k'u'luk man oj chaman, ts'ub' lu'umni oj cho paxana, ts'ub' lu'umni tojb'iya soka, ja we'n toj ts'ub' lu'umani'a cho ts'ub' lu'umni oj cho paxana, —xchi ja Dyosi.

Jaxa winiki, ti yal yab'a: —Ja yuj ja yan yuj ja jasa k'ulani, mixa lek oj ajyuk ja lu'umi, ja'yuj ja lom a k'u'an ja jas yala wa che'umi cho a lo'o ja sat ja te' it kala wab' mi oj ja lo'i. Ja'yuj, ja janek' oj ajyuk wa sak'anili jel oj ja wi' ja a'tel b'a oj ja ta' ja jas oj ja wab'i.

—¿Jastal waxa na'a ja b'asan aya b'a? —xchi ja Dyosi. ¿Ma yuj a lo'o ja sat ja te' it kala wab' mok a lo'i?

Tsa'an yajni snutsuta el ja winik sok ja sche'umi, ti ya'kan chab' oxe anjel querubin b'a stojol wax jak ja k'ak'u yuj ja yaljil tek'ul b'a Edeni, ti cho ya'a jun punyal wan ajlel ti wa'n sututuk b'a sjoyanal ja yaljil tek'uli, ja b'a mi ma oj b'ob' ya och mojan ja b'ay ja te' it wax ya'a sak'anili.

Jaxa winiki, ya sb'i'iluk Eva ja sche'umi, yuj ja ye'n nanal b'a spetsanil ja ma'tik oj ajyuk b'a lu'umi.