Popular Bible Verses from Juan 10

Share

—Yajnix k'ot ja elk'anumi, yujni ja' schol b'a oj yelk'a, b'a oj smile, b'a oj ch'ak sch'ay sna'jel. Jaxa ke'n jakyon b'a a petsanilex b'a jach' oj ja ta' wa sak'anilexi, b'a jach' sak'an oj ajyanik.

Ke'n ja lekil talna chejoni. Ja lekil talna cheji, a'nima tix ya'a ja sbida yuj ja schej jumasa.

Ja jneb'uman jumasa, wa sna'awe jb'aj, cho jach'ni ja ye'nle'i, wax na'a sb'aje. Jach' jastal ja chej wa sna'awe sb'aj ja sk'umal ja talnumane'i, jaxa talnumani, wax cho sna'a sb'a ja schej jumasa. Jach'ni ja jneb'uman jumasa ke'n wa sk'u'ane ja kab'ali

cho ke'n wax ka' yi'e ja sak'anile b'a mi oj ch'akuki; cho mini jun ma' oj b'ob' sjapki'a.

Ja b'a pwerta b'a was k'ulan mandar ja Dyosi, ke'nani'a: Chikan ma wax och ja tiwi, ojni sta' skoltajela; oj b'ob' eluk oj b'ob' ochuk, ojni sta' swa'el b'a spetsanil k'ak'u'a.

—Jach' jastal ja Dyos ja jtat wa sna'a jb'aji, jach'ni ja ke'n wanix cho jna'a sb'a; jachuk ja jneb'uman jumasa wax na'a sb'aje, jach'ni ja ye'nle'i, wax cho sna'awe jb'aj ja ke'n. Yuj ke'n ja lek wax talnaye'i, jaxa ye'nle'i, ye'n ja jcheje'i. Jach' jastal it ja lekil talna cheji, a'nima tix ya'a ja sbida yuj ja oj skolta ja schej jumasa, jach' jastal jaw ja ke'n a'nima tila miljiyon yuj ja oj kolta ja jneb'uman jumasa, —xchi ja Jesusi.

Yujni ye'n ya'oj ki ja Dyos ja jtata; mini jun ma' oj slaj ja jastal jel ja yip ja ye'na, sok mini jun ma' ay jas oj japjuk yi'a. Ja jtat sok ja ke'ni, june ita aytikon.

—Jach' jastal ja Dyos ja jtat wa sna'a jb'aji, jach'ni ja ke'n wanix cho jna'a sb'a; jachuk ja jneb'uman jumasa wax na'a sb'aje, jach'ni ja ye'nle'i, wax cho sna'awe jb'aj ja ke'n. Yuj ke'n ja lek wax talnaye'i, jaxa ye'nle'i, ye'n ja jcheje'i. Jach' jastal it ja lekil talna cheji, a'nima tix ya'a ja sbida yuj ja oj skolta ja schej jumasa, jach' jastal jaw ja ke'n a'nima tila miljiyon yuj ja oj kolta ja jneb'uman jumasa, —xchi ja Jesusi.

Mini jun ma oj b'ob' smil'ona, ke'n wax ka'a jb'aj yuj ja jach' wax k'ana. Ay kip wax kab' ja oj ka' jb'aji, cho ay kip wax kab' ja oj sak'wukoni, yuj ja jach' yaloj kab' ja jtati, jach'ni oj ch'ak jk'u'luka—.

Ja'yuj ja Jesusi, ti yala ja sb'ej ja senya lo'ili: —Ja pwerta b'a wax och ja chej jumasa, ke'na.

Ja ma' wax tupji yuj ja wa stalna ja chej jumasa, yajni wax jak ja ok'ili, wa spaka ajnel. Wax ya'kan stuch'il ja schej jumasa, yuj ja mi ye'nuk ja lekil talnanumi, cho mi ye'nuk sb'aj ja chej jumasa. Ja'yuj yajni wax k'ot ja ok'ili, wax och syam ek' ja chej jumasa, jaxa chej jumasa wax ch'ak spak e' ajnel.

Ti alji yabye yuj ja Jesusi: —Ja we'nlexi, waxa na'awex ja elk'anumi ti wax b'ajti b'a smakb'al ja snaj ja cheji.