Popular Bible Verses from Zyan 4

Share

Kolocɔlɔɔ i nyɛ pìle. Bele be wi kpɔ̀ʔɔrɔ́ lè, ki n yɛlɛ paa wi kpɔ̀ʔɔrɔ́ pǐli ní kányɛɛgi na.»

Kàjáa làlaa i maa, li si n nan n kwɔ́ɔ, bele be nyɛ lè Kolocɔlɔɔ kpɔ̀ʔɔrɔfɔ-dèlebèle, poro a ra Tofɔw Kolocɔlɔɔ kpɔ̀ʔɔrɔ́ pǐli ní kányɛɛgi na. Níì cán kpɔ̀ʔɔrɔfɔbèle bee félege Tofɔw caa paa woro kpɔ̀ʔɔrɔ́.

Kàjáa syɔ́ɔnwee faala wi ga mii lòkaangi gbaa lè, lògbaʔa a ní wee bee jáa bi nyaa í, lǒgee mii a kaan wi ma lè, koro a pye wi fúngi ni púloweele bàā púlo sáā fóo bi taa sa nan sìibangwɔɔw na.»

A Zyezu wi yari: «Kapye mɔ maa Kolocɔlɔɔ yakaangi cán, ní wee ní wi mɔ pye lè: Lɔ̀ʔɔ kaan mii ma mii í gbaa, mɔ mǎà dée wɔ́ɔ wi nyɛ́ɛri lògaa na, gee gi nyɛ lè sìíw wóʔo, wi mǎà dée gi kaan mɔ ma.»

A Zyezu be pye: «Gee gi nyɛ lè mii lìíli, koro gi nyɛ mii í da mii Tunvɔw nyɛ́nɛ kèlē kpéʔele sáā wi fáliw forogi.

A céw wi pye: «Kàfɔw, kɔ̀lɔ́w naa wi cùru lè nya, kɔ̀lɔ́jɛnnɛ si o nyɛ mɔ ma í, sán mɔ a sìi lǒgi bee taa?

A céw wi pye: «Mii n gi cán Mesii a kɔ́ pan, (wee be yiri lè Kirisi.) Wi ga pan, wi a ba kérigèle myɛ tɛ̀ɛn wolo na.» A Zyezu wi pye: «Jo woro si wi nyɛ mii , mii wee wi nyuu ní mɔ ní lè.»

«Yaa maa ye ba nànwaa wéle ní mii ní wee, kérigèle myɛ mii kpéʔele lè, wi n ke myɛ cán n joo mii ma. A yele jo lé woro ban wi nyɛ Kirisi í?»