Popular Bible Verses from LUKA 6

Share

Inkijani, na unywi muneinkwa; ngero yeizue na kuchintwa na kukushwakushwa na mwitiko, niyo vantu venemuvikia he maghanza enyu, ambu ngero ila mweringanyija, niyo mweneringanyijwa.”

Mntu wedi, he ndungu yedi ya ngoro yakwe efunya vila e vyedi, na mntu mvivi, he ndungu mbivi ya ngoro yakwe efunya vila e vivivi; ambu he momo wa mntu hefuma vila vyeizue he ngoro yakwe.

Mira vakundeni vanzo venyu, rongani vyedi, na kuambalwa mwekisaarira kuihwa, niho kitumulilo chenyu cheneoka kibaha, na unywi muneoka vana va Ula eho uko wanga, ambu ye ni wedi, he vala vesivika mvera na vavivi.

“Heicho, keteni mbonea, sa vuntu Vava wenyu ena mbonea.

Musilahe, na unywi temukalahwe; musishaghe, na unywi temukashaghwe; shighieni, na unywi muneshighiwa.

“Mira unywi mwesikia nimutio, Vakundeni vanzo venyu, vaketieni chedi vala vemuvihiwa, vala vemurara vainkeni lutelwedi; vala vemuketia vivivi vasembieni.

Sa vuntu mweenda vantu vamuketie, na unywi mrevaketieni huvo.

Ula ekubugha isaa imwe, mgharushije na ili lingi; ula ekughumba ijoho lako, neri usimsuje nkanzu. Ula ekutanja, umunke, na ula ekughumba vintu vyako, neri usiende iti akuhunduie.

Ambu tehena, mti wedi wegera ntunda mbivi, neri mti mvivi wegera ntunda jedi

ambu kila mti umanyika he ntunda jawo; ambu, nkuu tejitundwa he mivwa, neri vantu tevetunda zabibu he mishewa.