Popular Bible Verses from Matayo 24

Share

Na vyono u wubi wowa kucila konjelezeka, ale nhavivyo no wendo we wanhu wenji wolopola. Ninga u munhu wo wose mono kolokangalila sunga ko ku ndumo, yuyo langa yo kolopona.

Ninga i yinze yose yoganulilwa u Luganuzi Luswanu lo Wutemi wo Mulungu mu makungugo gose lono i ndumo yikali si naza, ho wuwe wuhomelezi kuli wene.

Kanyhi molohulika muli zo wulugu, ne zinonga nonga zo wulugu, ninga anye mulece kwihwelela, hambi zizo, nha zinojeye zize, ninga ndumo yeneco yowa yikali si nawa.

Likungugo lyokwihoma ne likungugo liyagwe, no wutemi nawo wokwihoma no wutemi wuyagwe. Ne mazala nago gokuza ako na ako, sunga ne matulo ge yisi nago gokuza. Na gaga gose gokwihwana nho wusungu du, wo kusawa mwana.

U wulanga ne yinze, heya vyopuluta, ninga i zinghani zangu, si zolopulutila lukulu.

Hambi nha wanhu wenji wono wolokuza, nawo walalitumamila litagwa lyangu wakutya, ‘Ane yo nene Kilisito nawo wolowajiliza wanhu wenji.’

“Kanyhi nawo wolomulavyenyi ho mutamiswe no kuwulagwa. Ne makungugo gose kono galila, golomusulenyi anye, ku soko ye litagwa lyangu. Na mu vilo vivyo, wanhu wenji wolowuleka u wihuwilo wawo wolokwigalucila weneco wose no kwisula. Kanyhi mu vilo vivyo, wololawila iwawizi wenji wo wulambi, nawo wolowa kuwajiliza wanhu wenji.

Yesu yakawapitula yakatya, “Mwilanjililaje muno muno, ho mulece kukongwa na munhu wo wose.

Holeka nanye nhavivyo, mweze mwiwikanizize lukulu, hambi Mwana wo Munhu nha kokuziza mwipango lyono anye si mwihwesize yaye.”

Holeka munojeye mwikalaje meso, hambi nha simumanyile ilizuwa lyono kokuziza u Muwaha wenyu.

“Ninga muli ze lizuwa hambe cipango, zizo langa, hasina u munhu wo wose mono yamanyile vyono yowa nili, sunga hamba ne wamalayika wa ku wulanga, sunga hamba no Mwana wo Munhu mweneco du, siyamanyile, langa yo Baba yaliwene du mono yamanyile.

Hambi nha wololawila walambi wenji, wono wokwicema weneco yo Kilisito, kanyhi ne wawizi wo wulambi. Nawo wawo wonoza mapoto mawaha, ne mezino gono gosuma kumwajilizenyi, na hono yisumice sunga ne wahagulwa wo Mulungu.

Langa yene, yolowa nha mu vilo vya Noha. Ku soko mu vilo vivyo, lono lihwazi lye malenga lyali likali si naza iwanhu nha walizaga, kanyhi wangʼwezaga, watolaga no kutolwa, sunga lono Noha yenjilila mwigalawa. Nawo hamba si wamanya cono cokwijela ci cici, sunga mwizuwa lyono lyaziza ilihwazi lye malenga, likawasola wose. Ale, nhavivyo vyo yolowa, mwizuwa lyono yalaziza u Mwana wo Munhu.