Popular Bible Verses from Maluko 2

Share

Yesu yaza kuwahulika, yakawatya, “Wono si watamigwe, siwasakaga muganga, langa wawalya du wono watamigwe. Sinizize niwaceme wono wali lingʼani, langa i wanyo wubi.”

Yesu yaza kuwuwona uwihuwilo wawo, yakamutya munhu yuyo mono yadejepe, “Go mwanangu kunenelwa wubi wako.”

Holeka Yesu yakawalonjela yakutya, “Sabato yiwicigwe so cambuzi ce wanhu, ninga iwanhu si wawicigwe so Sabato.”

Ku soko yo winji we wanhu, siwasuma kumutegula behi na Yesu. Holeka wakapula mwitembe hono hali hoyali Yesu. Wali waza kondya kutuga hanhu ho kumukozeza, hodu wakamutimya munhu yuyo mono yali yagonile mu citanda.

Ale, nghusaka mumanye vyono, u Mwana wo Munhu, yena wulajilize wo kunenela wubi we wanhu kononze.” Baho yakamutya u munhu yuyo mono yadejepe, “Nghukulonjela, winuce, witwice citanda cako, wubite ku kaya!”

Alu yahayi imhelu muno, yo kumutya u munhu yuyu mono yadejepe ‘Kunenelwa wubi wako,’ hamba yokumutya, ‘Winuce, witwice citanda cako wubite’?

Ne wanhu wose lono wali wakali wamulanjile, u munhu yuyo yakenuka lwa kamonga yaketwika i citanda cakwe, yakawa kubita.