Popular Bible Verses from Imetumo ge Watumwa 4

Share

“Hamba hasina mhonelo muli yunji wo wose, hamba yitagwa linji nha hasina hono hasi yo wulanga, lyono wapegwa wanhu, lyono linojeye ciliponele.”

Nawo waza kukondya kulomba, i hanhu baho hono wali wehangulizize, hakasinjisika, nawo wose wakamemywa u Muhe Mono Yelile. Nawo wose wakawa kwanza kuyiganula nghani yo Mulungu wasina woga.

Alu Muwaha wulanje wogofye wawo. Wucipelaje vilungo co wetumami wako ho ciyiganule nghani yako cisina woga.

Yo mwene mono Mandiko Gono Gelile gakutya, ‘Ilibwe lyono mwalilema anye nyo wazenji Lyanozwa kuwa yibwe yiwaha lyo musinji.’

Wawo wanyamhala wo mukung'ano, wali wawamanyile wa Petelo na Yohana vyono wali wanhu du wono si wasomile, ninga wakawezina kuwawona wakulonga kwe vilungo wasina hamba woga. Wakawezuka, vyono wawezanaga na Yesu.

Ne mhuga yawo wose wono wehuwila, wali na nhumbula monga no mutima monga. Hasina hamba yunji mono yali yena cinji co cose, mono yatya, yo sawo yakwe mweneco, langa wali wahanjile vyose.