Popular Bible Verses from LUKA 6

Share

oatawa buuneeda haleanjeeda ak gajeegooneegwa; dea nyiit, sidaksa, siituumduum, ea ghwanaawda, ea gichea gagooneegwa. Aba gideaba giideenooda ooteeniidi gichea eeteeneegwa.”

Siida miy aba jeeda gheaseadaanyi miy bea gurooroadaanyi gooruutu gea miyaas, nea siida muy aba jeeda gheaseadaanyi muy iissa gooruutu gea munyas; aba gideaba ghuuta gabaloola gea nyiit jeeda gurooroadaanyi.

Asi abwariinya weajoodigeagwa, nea goosinyi gea miyaas, nea ghoanung' gooleakshi, nea adoofurdi goodeelneegwa gil; abeeda giimeardeang'wa gajaahaw, ak gajahuuwa orjooga ASEETA haw mida humng'eeda; aba gideaba niny aamiy aba fuga mabadiischeesiina ea gea geawi gheanyan.

Andeawana baydeayda, ak gawuurji gidamideayeata Ghweandeang'wa baydeayda.

“Adoorgweakiisi buuneeda, ak ea majeergweakseegwa; adooyeati ghuusi, buuneeda ak ea majeeyeateeweegwa ghuusi; asamiisiina buuneeda, ak gajeesamseegwa

“Asi Geayeeshiineegwa agoogeeni ooyiing'shiin, abwariinya weajoodigeagwa, asisiina gea miyaasiin fuga sideagwa, Abadiischeesiina fuga mooriidaneegwa, amwaasha ASEETA aba badahuuka fuga ghabwaseegwa.

Asi gidoogasayi gwasinneegwa buuneeda agooga, asisina eara saawa.

Siida iilas madeang'daang'u, giidawi eara meatkweeda niirja; iyareanyi sih hang'daang'u ginung'usi eara shaateadaang'u. Siida musnyi gil adawa, nea siida areanyi haleanjeadaang'u ea adimaseawi.

“Geeta miy majiila haghweega munyas, eara geeta muy ea majiila haghweega miyaas

aba gideaba gilinyoo ea geadi geenala haghweagaaschi. Aba gideaba moang'wa eebina gulageetka geeta halaghweenga, ghana moang'wa eebina sabiibu heeda yuudeeda.