Popular Bible Verses from Jã Sɛbɛ 15

Share

“Maa ɩ̃ ɩ a dɩvɛ̃ tɩɛ, ɩ̃ nyɩmɩ ɩ̃ ɩ a wulbie. A ʋlɔ na mar ɩraa a ɩ̃ pʋɔ, ɩ̃ mɩ mar ɩraa a ʋ pʋɔ, ʋ ma wɔ̃ na wɔmɔ yaw, a-na-ɩ a maa ma be nɩ nyɩ wa, nyaa tʋɔrɔ bom maala wa.

Nyɩ́ mar ɩraa a ɩ̃ pʋɔ a mɩnɛ ɩ̃ na mɩ mar ɩraa a nyɩ pʋɔ. A wulbir ma tʋɔrɔ wɔnɔ wɔmɔ a ʋ mɩ̃ɛ ɩ̃ a ala ma ɩ a tɩɛ pʋɔ ʋ mar ɩraa wa. A lɛ ʋ mɩ a nyɩ jie, nyaa tʋɔrɔ wɔnɔ wɔmɔ ɩ̃ a ala ma ɩ a ɩ̃ pʋɔ nyɩ mar ɩraa wa.

A ala ɩ̃ ɩ nyɩ be na a ɩ̃ pʋɔ, a ɩ̃ ƴɛrɩ̃sɩ mɩ be a nyɩ pʋɔ, nyɩ́ sʋɔr a bom lɛ nyɩ na bʋɔrɔ ɩ̃ nyɩ na pɔw na.

Aa ɩ nyɩmɩ ɩ̃ vɛl ma ir wa; maa ɩ̃ vɛl nyɩ ir ɩ̃ ƴɔ̃w nyɩ a nyɩ cen na wɔ̃ a wɔmɔ, ɩ̃ a wɔmɔ ʋlɔ kɔ̃ sãw wa. Ɩ̃ a bom jaa lɛ nyɩ na de a ɩ̃ yuor sʋɔrʼɩ̃ a Sãa sɛ̃, ʋ na kʋ nyɩ na.

A nʋfʋ ʋlɔ na gãw a nʋfʋ a jaa ɩ na a mɩnɛ a nɩrɛ na sɔw kpi a ʋ badɛɛ ɩnɛ.

Ʋ ma ŋma na a wulbie ala bar na be a ɩ̃ pʋɔ ɩ̃ ma wɔnɔ wa, ɩ̃ a ala na wɔnɔ, ʋ ma cɔɔrɩ̃ na ɓɛl bar, a lɛ bɔ̃w nyɩrɩ̃ wɔ̃.

A ɩ̃ ƴɛrɩ̃ ɩ̃ na kʋrɔ nyɩ ɩ na, nyɩ́ nʋnɔ taa a mɩnɛ ɩ̃ na mɩ nʋ nyɩ.

A ala ɩ̃ ɩ nyɩ wɔnɔ na a wɔmɔ yayaw, lɛ a ɩ̃ Sãa yuor na yire, ɩ̃ lɛ nyɩ na mɩ ɩ a ɩ̃ *par-tuurbe.

“Maa ɩ̃ ɩ a dɩvɛ̃ tɩ-son ɩ̃ a ɩ̃ Sãa ɩ̃ ɩ a tɩ-ꞌwuoro.

A ʋlɔ na ma mar ɩraa a ɩ̃ pʋɔ wa, ʋ wɔ̃ na taa nɩ a wulbir ba na ma lɔb bar ʋ ko; ɩ̃ a wulbi-lɛ nʋmɔ, ba ma woorʼã ƴɔ̃w a vũumɩ a dɩ.

“Ɩ̃ yel nyɩ na a lɛ a mɩnɛ a ɩ̃ nʋ̃ɔ na tʋɔ be a nyɩ pʋ̃ɔ, ɩ̃ a nʋ̃ɔ na ƴala nyɩ.

A ala ɩ̃ ɩ nyɩ jɔrɔ na a ɩ̃ ƴɛrɩ̃sɩ, nyɩ na ɩraa na a ɩ̃ nʋfʋ pʋɔ, a mɩnɛ ɩ̃ na jɔ a ɩ̃ Sãa ƴɛrɩ̃sɩ ɩ̃ ɩraa a ʋ nʋfʋ pʋɔ.

A ala ɩ̃ na kpãkpana nyɩ ɩ na, nyɩ́ nʋnɔ taa.

A nyɩmɩ dãa ɩ a tẽw pʋɔ nɩbɛ, a tẽw pʋɔ nɩbɛ naa nʋnɔ nyɩ na, a-na-ɩ bala ɩ̃ sɔ nyu Ɩ̃-cɛ a-na-ɩ ɩ̃ ow nyɩ na kpee ir a tẽw pʋɔ a nyaa cãa ɩ a tẽw pʋɔ nɩbɛ wa, ala-ɩ̃-sɔ a ba ꞌlaar nyɩ.