Popular Bible Verses from Eziptɩ tẽw yib 2

Share

A Naaŋmɩn tɩ wõ n a bɛ kon, ɛ́ lɛb tɩ́ɛrɩ bãwnɩ a ʋ wõ-taa ʋ na maal'ɩ a Abraham, a Ɩzaakɩ nɩ a Zakɔb a. Ʋ tɩ jɩ́r'ɩ a Ɩsɩrayɛl nɩbɛ ɛ́ bãw a lɛ a na ŋmɛ̃ a bɛ zie a.

A tɩ cɛlɩ na ɛ́ a Eziptɩ tẽw nãà wa kpi. A Ɩsɩrayɛl nɩbɛ tɩ kone na ŋmɩɛr'ɩ cɛlsɩ a bɛ gbãgbaalʋ pʋɔ, ɛ́ a bɛ bʋɔlʋ tɩ do ta a Naaŋmɩn.

A bie na wa ɩ kpɛ̃ɛ a, a mã tɛr ʋ na tɩ kʋ̀ a Faarawɔ̃ pɔwyaa, ʋ de ʋ k'ʋ ɩ a ʋ bidɛb, ʋʋ por ʋ a yúor kɛ́ Moyiir. Bʋ̃ʋ n'ʋ vɛ̃, ʋ tɩ yel'a: «Kʋ̃ɔmɩ́ n'a ɩ̃ ír ʋ.»

A Faarawɔ̃ pɔwyaa tɩ yel'ɩ a pɔw: «De a bie ŋa tɩ ƴɛnɩ kʋ̀ m, ɩ̃ɩ na ya b'a.» A pɔw tɩ de nɩ a bie tɩ ƴɛnɩ.

Al pùorí, a Faarawɔ̃ pɔwyaa tɩ siw nɩ a Nɩl pʋɔ k'ʋʋ tɩ puuli kʋ̃ɔ, ɛ́ a ʋ bɩɛlbɛ tɩ dɛnɛ a man nʋɔr. Ʋ tɩ nyɛ̃ nɩ a zãkpa a bàa-kɛkɛɛ pʋɔ, ɛ́ ƴãw a ʋ tõ-tõ-bi-pɔw cen tɩ de ʋ wa n.

A Moyiir na wa ɩ nɩ-kpɛ̃ɛ baar'a, ʋ yi n bibir kãw k'ʋʋ tɩ nyɛ̃ a ʋ yɛbr Ebre mɩnɛ. Ʋ tɩ nyɛ̃ nɩ a pɔ̃tɔrɩ tome bɛ na tone a. Ʋ mɩ̀ tɩ nyɛ̃ nɩ Eziptɩ tẽw nɩr na pɔbr a ʋl Moyiir yɛbr Ebre nɩr kãw a. Lɛ n'a ʋ tɩ piwri a ziir za bɛ nyɛ̃ nɩr ɛ, ɛ́ ŋmɛ a Eziptɩ tẽw nɩr nɛ kʋ, sɔwlɩ bɛr a biire pʋɔ.