Popular Bible Verses from Yele-za-pɛr-tib 26

Share

Kpɩɛr a ʋlɩ tẽw nɛ, ɩ̃ na be n a fʋ zie, ɩ̃ɩ na maalɩ fʋ na. Bʋ̃ʋ n'ʋ vɛ̃, fʋ̃ʋ nɩ a fʋ bʋʋrɛ nɛbɛ ɩ̃ na kʋ̀ a ziir á ŋá. Ɛ́ à à ŋá n'a ɩ̃ na tu a nʋɔr ɩ̃ na ƴãw kʋ̀ a fʋ sãà Abraham a.

Ɩ̃ na ɩ n a fʋ bʋʋrɛ bɛ yɛ̀r yãwmɛ mɛ̃ a saa ŋmar-bie a, ɩ̃ɩ na kʋ̀ bɛ nɩ a ziir á ŋá za. Ɩ̃ na maal'ɩ a nɩ-bʋʋrɛ za a bɛ zũú. Bʋ̃ʋ n'ʋ vɛ̃, a Abraham bɛr'a wõ m, ʋ tu n a lɛ ɩ̃ na yel a, ʋ sàw nɩ a ɩ̃ nɛ-ƴãwnɩ, a ɩ̃ tub nɩ a ɩ̃ wulu.»

Ʋ tɩ yi n a be cen tɩ ƴãw bɛ tuw bul-yũo na bɛ wa n zɛbr a. Ʋ tɩ por ʋ nɩ Erehovɔtɩ, a pɛr lɛ kɛ́ “Vuo-gã-na”. Bʋ̃ʋ n'ʋ vɛ̃, ʋ tɩ yere na: «Ƴɛrɛŋa a, a Sore bɛr'ɩ vuo kʋ̀ tɩ kɛ́ tɩ tɛr a a tẽw pʋɔ.»

A Sore tɩ ɩ na a Ɩzaakɩ nyɛ̃ ʋ, ʋʋ yel ʋ: «Taa cere a Eziptɩ ɛ, zɩ̃ a tẽw ʋl ɩ̃ na na wul fʋ a pʋɔ.

A Ɩzaakɩ tɩ mɛ n bàwr-maal-kuur a be, puori a Naaŋmɩn, bʋɔl'ʋ Sore. Ʋ tɩ maal'ɩ a ʋ pɛnɛ-sɛwr a be, ɛ́ a ʋ tõ-tõ-biir tuw bul-yũo.