Popular Bible Verses from Luka 3

Share

A nɩbɛ za na tɩ de a suob baarɩ, a Yeezu mɩ̀ de baarɩ ɛ́ puore a, a salom tɩ yuo na, ɛ́ a Vʋʋrʋ Sõw siw a ʋ zu tɛr ƴã-gan mɛ̃ naŋmam a. Kɔkɔr tɩ yi n a salom zu yere: «Fʋ̃ʋ n'ɩ a ɩ̃ Bi-nɔna, a ɩ̃ pʋɔ pɛlɩ nɩ a fʋ ƴãw.»

Lɛ n'a a Zã tɩ yel kʋ̀ bɛ za: «Kʋ̃ɔ n'a mãa kʋ̀rɛ nɩ nyɩ a suob, ɛcɛ nɩr be n a ɩ̃ pùor waar, kpɛmɛ zuo mɛ̃, ɩ̃ mɩ̀ bɛ sɛwnɩ na cɛ̀r a ʋ nafawr bʋ̃-'leni ɛ. Ʋl a, Vʋʋrʋ Sõw nɩ vũu pʋɔ n'a ʋ na kʋ̀ nyɩ a suob.

Nyɩ ɩ a sãá a nyɩ ɩ-ɩrɩ pʋɔ kɛ́ nyɩ lɩɛb'ɩ a nyɩ ɩb, ɛ́ taa wa tɩɛrɛ nyɩ pʋɔ yere kɛ́: “Tɩ sãà n'ɩ Abraham ɛ!” Mãa n'ʋ yere kʋ̀rɛ nyɩ, a kʋsɛbɛ á ŋá na gã a, Naaŋmɩn na tʋ̃ɔ́ na ɩ a lɩɛbɩ Abraham bibiir.

A lɛr'ɩ ŋan be a tɩɩr sɩɛ ƴãw baarɩ, tɩɛ nɛ za na bɛ wɔnɛ wɔ̃-vɩɛlɩ a, bɛ na cɛ ʋ na ŋmãa lɔb ƴãw vũumí.»

a tu mɛ̃ a lɛ a naaŋmɩn-ƴɛ̀r-manɛ Ɩzayi na tɩ sɛb a ʋ sɛbɛ pʋɔ a: «Nɩr kãw kɔkɔr cɩɩrɛ nɩ a wɛja-kpalɛ pʋɔ: Nyɩ maalɩ a Sore sɔ́r, nyɩ kɔ a ʋ soli dɛnɩ ƴãw a tori. Fʋɔla za na paal'a do, tã-kpɛ̃ɛ za nɩ tãle za na tuw na siw man, sɔ́r za na gɔ̃w a na tori na, sɔ́r za na ɩ kokobokobo a na man nɩ taa, ɛ́ bʋ̃-vʋʋra za na nyɛ̃ nɩ a Naaŋmɩn faafʋ.»