Popular Bible Verses from MATIYO 18

Share

Bari ni mɔgɔ fila walima mɔgɔ saba mana nyɔgɔn lajɛn yɔrɔ o yɔrɔ ne tɔgɔ la, ne b'u cɛma.”

“Tinyɛ na, ne b'a fɔ aw ye tugu ko ni mɔgɔ fila aw cɛma bɛnna ka Ala dali fɛɛn o fɛɛn na k'u to dugukolo kan yan, ne Faa min bɛ sankolo la bɛna o d'u ma.

Yezu ye denmisɛn dɔ wele k'o lɔ u cɛma, k'a fɔ u ye ko: “Tinyɛ na, n b'a fɔ aw ye ko n'aw m'aw sɔɔn yɛlɛma k'a kɛ i n'a fɔ denmisɛnw ta, aw tɛna don Ala ka masaya yɔrɔ la.

O la, mɔgɔ min b'a yɛrɛ majigi ka kɛ i n'a fɔ denmisɛn nin, o tigi bɛna bonya sɔrɔ Ala nyakɔrɔ.

Mɔgɔ o mɔgɔ bɛ denmisɛn nin nyɔgɔn minɛ ka nya ne kɔsɔn, o tigi bɛ ne le minɛ ka nya fana.

Tinyɛ na, ne b'a fɔ aw ye ko aw mana ban fɛɛn o fɛɛn na dugukolo kan, Ala bɛna ban o fana na sankolo la. N'aw sɔnna fɛɛn o fɛɛn ma dugukolo kan, Ala bɛna sɔn o fana ma sankolo la.

O kɔ, Yezu ye nin fɔ k'a la a kan ko: “Ne Faa min bɛ sankolo la, o bɛna aw kɛ o cogo la, n'aw tɛ sɔn ka yafa aw tɔnyɔgɔn ma aw dusu bɛɛ la.”

“Mɔgɔ minw lara ne la a ma mɛn, ni mɔgɔ dɔ kɛra sababu ye k'olu dɔ kunna cɛn, yan ni a k'o kɛ, ni kabakuru belebeleba tun sirila a kaan na, k'a fili kɔgɔji kɔnɔ, o bɛ fisaya a ma.

Aw ka miiri la, ni saga kɛmɛ bɛ mɔgɔ dɔ fɛ, ni olu dɔ tununa, sagatigi nin tɛna saga bi kɔnɔntɔn ni kɔnɔntɔn to kulu kan ka taa kelen nin yaala wa?