Popular Bible Verses from MI CILIMA 39

Share

Li Miali Diedo den ye leni Josefi ke li bonla kuli den cuoni opo bonŋanla o canbaa Ejipiti yua diegu nni.

O den piani wan pia yaala kuli Josefi yaa nuu nni kelima o den dugi Josefi po. Waa go den yagini o yama bonliba kuli po se wan kua ki je bebe. Josefi den ye leni mi jawaama hali bonŋanla.

Li kpaadidieli guudo den teni ke Josefi guu a kpaada kuli, yaaba n den ye li kpaadidieli nni ke tuonliba kuli kan den tieni ke waa bani.

O den cuo Josefi ki kuani o li kpaadidieli nni. Josefi den ye lankani li kpaadidieli nni ban yen luondi o bado naacenba yaa kpaadidieli nni yeni. Li Miali Diedo den ye leni Josefi ki puuni o o * ŋanbili. O den teni ke li kpaadidieli guudo pali mani Josefi po.

Lan den yuandi Josefi canbaa pua den diidi o mi buama nuni ki yedi o: «Cua ki duani leni nni.» O den yie ki yedi o canbaa pua: «Diidi n canbaa dugi npo cain, ki piani nni wan pia yaala kuli o diegu nni. Waa go tiendi liba kuli o diegu nni. Nilo naa ye ku diegu nni kuli yua n cie nni. Waa yie npo bonliba kuli se fini bebe, kelima a tie o pua. N baa ga lede ki tieni laa biadicianma, ki tieni ti * tuonbiadi U Tienu po.»

Dayenli ke o den kua li dieli nni ki baa soani o tuonli. Ku diegu nni yaaba, baa niyendo naa den ye likani. O pua den cuo o liadili ki yedi o: «Cua ki duani leni nni.» O den ŋa o liadili o nuu nni ki sani ki ñani niinpo.