Popular Bible Verses from JAN 12

Share

O nilo yaa tuuni npo, wan yaa ŋua nni. Min baa ye naani, wani n naacemo mo baa ye lankani. Yua n tuuni npo kuli, n Baa baa jigini o.

Yua n bua o miali baa bolini li. Ama yua n nani o miali ŋanduna nni na baa pia li, yaa miali n kan gbeni po.

N yedi yi i moamoani, mi dibima yaa kua ki tinga nni ki kpe, mi baa ye mi bebe lige. Ama mi yaa kpe, mi baa luoni yaa bonbi n yaba.

Mini n tie mi yenma, ki cua ŋanduna nni ke yua n daani nni kuli n da go ye li biigili nni.

Yua n gbadi n maama, ki naa kubi ma kuli, mini ka bu leni o. Kelima mii cua ki baa bu leni ŋanduna yaaba ka. Ama n cua ki baa faabi ba.

Maliyama den taa yaa tulale n yi * naadi kilo boagidima, ke li dunga yaba boncianla, ki wuli Jesu taana po ki duuni a leni o yudi. Tulale yeni nuulu den yadi ki gbieni li dieli kuli.

Bi den pedi i kpakpa-bensoangi ki ñani ki tuogi o ki kpaani ki tua: «Ti pagi U Tienu. U Tienu n seligi yua n kpendi wani o Diedo yeli nni, Isalele yaaba bado.»

Jesu den goa ki yedi ba: «O * Ja Bijua n baa baa ti kpiagidi yaa yogunu pundi.