Popular Bible Verses from MAKA 2

Share

Jesu n den gbadi, o den yedi ba: «Yaaba n pia laafia ka bua lotoli, ama a yiama. Mii cua ki baa yini yaaba n tiegi ka, ama ti tuonbiadi danba.»

Jesu n den laa bi * dandanli, o den yedi yua yaa gbanandi n kpe yeni: «N bijua, a baa a * tuonbiadi sugili.»

Lani Jesu den yedi ba: «U Tienu den bili mi fuodima daali bi niba todima po yo, waa den tagi bi niba mi fuodima daali po ka.

Nani ban kan den fidi ki pundi Jesu kani kelima bi niba yabinu po yeni, bi den doni wan ye yaa doangu nni yuli po, ki cibi yaa bonli n yaba, ki jiini ki kuani o yiamo leni wan dua yaa kaagu kuli.

N bua ki doagidi yipo ke mini o * Ja Bijua pia li bali ŋanduna nni ki baa fidi ki pa bi niba bi tuonbiadi sugili.» Lani, o den yedi yua yaa gbanandi n kpe yeni: «N yedi a, fii ki taa a kaagu ki yaa kuni.»

Be n dingi ki cie, ki yedi yua yaa gbanandi n kpe: ‹A baa a tuonbiadi sugili,› bi: ‹Fii ki taa a kaagu ki yaa cuone?›

O den fii ki taa o kaagu lanyogunu ki ban yaa ña ke bikuli nua. Li den paki bikuli ke bi kpiagidi U Tienu ki tua: «Ti daa bi laa yaa bonla n tie na buolu.»