Popular Bible Verses from Zã 16

Share

Mam goma ne yãmb a woto tɩ yãmb tõe n paam sũur laafɩ mam pʋgẽ. Yãmb na n paama namsg dũni pʋgẽ. La bɩ y keng y sũyã, tɩ mam tõoga dũni wã.

La sɩd Sɩɩgã sã n wa, b na n tɛɛ yãmb sɩdã fãa pʋgẽ. Bala, b ka na n gom b sẽn dat ye, b na n togsa yãmb bũmb nins b sẽn wʋme, la b na n togsa yãmb bũmb sẽn be taoor n watẽ.

Hal tɩ ta moasã, yãmb nan ka kos bũmb ne mam yʋʋr ye. Kos-y tɩ y na n deegame, tɩ y sũ-noogã tõe n pid zãnga.

Baoosgo, mam yeta yãmb sɩd tɩ mam loogr n são yãmb yĩnga. Bala, mam sã n ka kẽnge, sõangdã ka na n wa yãmb nengẽ ye. La mam sã n kẽnge, mam na n tʋm-b lame n kõ-yã. La b sã n wa, b na n kɩtame tɩ dũni neb sak n deeg yel-wẽnã yelle, la tɩrlem yelle, la bʋʋd yelle.

Moasã, yãmb tara sũ-sãamse, la mam na n leb n yãa yãmba, y sũyã na n yɩɩ noodo, la ned baa a yen kõn yiis yãmb sũ-noogã ye. Da-kãng daare, yãmb kõn leb n sok maam bũmb baa a yembr yell ye. Sɩd-sɩdã, mam yeta yãmb tɩ bũmb ning yãmb sẽn na n kos m baaba, b na n kõo yãmb mam yʋʋrã yĩnga.

Sɩd-sɩdã, mam yeta yãmb tɩ yãmb na n yãbame n wiisi, la dũni neb sũy na n yɩɩ noogo. Yãmb na n yãa sũ-sãoongo, la yãmb sũ-sãoongã na n tekame n lebg sũ-noogo.