Popular Bible Verses from Luk 17

Share

Dẽ a Zezi yeel-a lame yaa: yik n looge. Fo tẽeb n fãag foom.

La a sã n beeg foom naoor a yopoe daar a yembre, n lebg n wa fo nengẽ naoor a yopoe n yet t'a kota sugri, bɩ f kõ-a sugri.

Bãmb sʋka ned a yen sẽn yã t'a paama maagre, yẽ lebg n pʋga a nao, n zẽk a koɛɛg n pẽgd Wẽnnaam. Yẽ wõgemda a Zezi taoore, n fõgn a neng tẽnga, n pʋʋs bãmb barka. A dag n yaa Samari neda.

Gũus-y y mense. Fo ba-biig sã n maan yel-wende, bɩ f leng-a, la a sã n kos sugri, bɩ f kõ-a.

A Zezi gomame n yeel yaa: Bãmb piiga fãa ka lebg yɩlma sɩda? La neb a wɛ wã bee yɛ?

La Zu-soabã yeelame yaa: Yãmb sã n da tarẽ tẽeb sẽn zem siin-bila, yãmb dag n na yeel wom-sɛ-kãngã t'a vik n tɩ sel ko-kãsengã pʋga, la a dag n na sak yãmba.

Ned ninga sẽn na n bao tɩ gũ a vɩɩm, a na n menes-a lame, la ned ning sẽn na bas a vɩɩm na n paam-a lame.

A Zezi yeel a b karen-biisã yaa: Bũmb nins sẽn wat ne lʋɩɩsã ka tõe n ka wa ye. La ned ning sẽn na n wa-a ne-bã na paam toogo. B sẽn na loe ned kokor ne neer kugr n lob-a ko-kãsenga pʋg n são a yĩnga, n yɩɩd a sẽn na n kɩt tɩ kom-bõoneg kãens ned a yembr lʋɩ.

Bũmb ninga sẽn zĩnd a Nowe wakatã na n zĩnda Ninsaal Bi-riblã waoongã wakat me. Nebã rag n dɩtame la b yũuda, la b kẽed kãadem, la b kõt b kamb sɩdba, hal tɩ ta daar ninga a Nowe sẽn kẽ koom koglgẽ wã. Sa-kãsenga waame n sãam bãmb fãa.