Popular Bible Verses from Luk 6

Share

Bɩ y kõ la b na kõ yãmba. B na n maka sõama n kõ yãmba, n dĩ, n yegse, n ning tɩ sudgi. Bala, ne makdg ninga yãmb sẽn makd n kõt nebã, Wẽnnaam na n maka ne rẽnda n kõ yãmba.

Nin-sõng yiisda bõn-sõng a laog-sõngã bĩngr zĩigẽ sẽn be a sũurẽ, la nin-wẽng yiisda wẽnga a laog-wẽngã bĩngr zĩigẽ. Bala, yaa bũmb ning sẽn pid sũurã n yit noorẽ wã.

La, nong-y yãmb bɛɛba. Maan-y-b neere, la y peng n da tẽed tɩ b na lebs-y ye. La yãmb keoor na n yɩɩ kãsenga, la yãmb na n yɩɩ Wẽnnaam sẽn be saasẽ saasẽ wã kamba. Bala, bãmb yaa sõama zɩ-beoog rãmbã ne nin-wẽnsã yĩnga.

Bɩ y yɩ nimbãan-zoɛtba, wa yãmb ba wã sẽn ya nimbãan-zoɛtã.

Da bʋ-y ned bʋʋd ye, la b kõn bʋ yãmb bʋʋd ye. Da kao-y ned bʋʋd ye, la b kõn kao yãmb bʋʋd ye. Maan-y sugri, la b na maan yãmb me sugri.

La mam yeta yãmba, yãmb sẽn kelgd maamã, tɩ y nong y bɛɛbã, la y maan neb nins sẽn kis yãmbã neere. Ning-y neb nins sẽn kãabd yãmb wẽngã zut barka, la y pʋʋs neb nins sẽn maand yãmb wẽngã yĩnga.

Bũmb ninga yãmb sẽn dat tɩ neba maan yãmbã, bɩ yãmb me maan bãmb me a woto.

Ned sã n wẽ fo yɛgd pɛka, bɩ f wẽnemd a to wã me n kõ-a. Ned sã n deeg fo fu-bedre, bɩ f bas-a t'a reeg f fu-bilã me. Ned ning fãa sẽn kos foom bũmb bɩ f kõ-a, la ned sã n dɩk fo paoongo, bɩ f ra sok-a ye.

Tɩ-sõng ka be n womd bi-wẽns ye, la tɩ-wẽng me ka be n womd bi-sõama ye.

Bala, b bãngda tɩɩg fãa a biisẽ. B ka wobd kankam gõaag zug ye, la b ka kaood sib kɛglg zug ye.