Popular Bible Verses from A Zã koe‑noogo 15

Share

Maam la reezẽ tɩɩgã menga, tɩ yãmb ya wilã. Ned ning sẽn paad mam pʋgẽ, tɩ mam paad a soab pʋgẽ womda biis wʋsgo. Bala, sã n ka ne maam, yãmb ka tõe n maan bũmb baa fɩ ye.

Pa-y mam pʋgẽ, wa mam sẽn paad yãmb pʋsẽ wã. A wa reezẽ tɩɩg will sẽn ka tõe n wom biis a toore, a sã n ka kell n tong ne reezẽ tɩɩgã, woto me, yãmb ka tõe n wom biisi, y sã n ka pa mam pʋgẽ ye.

Yãmb sã n pa mam pʋgẽ, tɩ mam goamã pa yãmb pʋgẽ, bɩ y kos bũmb ning fãa y sẽn data, la b na kõ yãmba.

Ka yãmb n yãk maam ye, yaa maam n yãk yãmba, n ning m tʋʋmd yãmb zutu, tɩ yãmb na kẽng n wom biisi, la tɩ yãmb biisã na pa wakat fãa. Woto, bũmb ning fãa yãmb sẽn na kos m ba ne mam yʋʋre, b na kõ yãmba.

Nonglem ka be ninsaal yĩnga, n yɩɩd tɩ kõ f vɩɩm f zo-rãmb yĩng ye.

Will ning fãa sẽn tão mam zug n yaool n ka womd biisi, m ba kɛɛgd‑a lame. La will ning fãa sẽn womd biisi, m ba yosd-a lame t'a tõe n wom biis n paase.

Ad mam tõogo: «Nong-y taab wa mam sẽn nong yãmbã.»

Yãmb sã n wom biis wʋsgo, m ba na n paama waoogre, la yãmb na n yɩɩ mam karen-biisi.

Mam yaa reezẽ tɩɩg meng-menga, la m ba yaa reezẽ tɩɩgã koaada.

Ned sã n ka paad mam pʋgẽ, b na n lob-a-la yɩng wa reezẽ tɩɩg willã, la a na n kʋɩɩme. La b wʋkda wilã n tugund bugum, la bugmã rɩt-b lame.

Mam goma ne yãmb a woto, tɩ mam sũ-noogã na zĩnd yãmb pʋgẽ, la tɩ y sũ-noogã na pidi.

Yãmb sã n tall mam tõodã, yãmb na n paa mam nonglmã pʋgẽ, wa mam me sẽn tall m ba tõod n be bãmb nonglem pʋgẽ wã.

Bũmb ning mam sẽn yet yãmb tɩ y maane, yaa tɩ y nong taaba.

Yãmb sã n dag n yaa dũniyã rẽnda, dũniyã neb dag n na nong bũmb nins a sẽn so. La yãmb sẽn ka dũniyã rẽnda, n paas mam sẽn tũus yãmb n yiis dũniyã neb sʋkã yĩnga, dũniyã rãmb kisa yãmba.