Popular Bible Verses from A Luk koe‑noogo 11

Share

Sã n yaa tɩ yãmb sẽn yaa nin-wẽnsã miime tɩ kõ y kambã bõn-sõamyã, yãmb ba sẽn be arzãnã n mi n yɩɩda, n na n kõ neb nins sẽn kot bãmbã Sɩɩg-sõngo.

La maam, mam yeta yãmb tɩ y kose la b na kõ yãmba, tɩ y bao la y na yã, tɩ y kabse, la b na pak tɩ y kẽ.

Bala, ned ning fãa sẽn kot deegdame. Ned ning sẽn baood yãtame, la b pakdame tɩ sẽn kabsd-a kẽ.

A Zeezi yeela bãmb yaa: Yãmb sã n pʋʋsdẽ, bɩ y yeele: Tõnd ba! Bɩ yãmb yʋʋrã yɩ ne waoogre, tɩ yãmb soolmã wa.

Kõ-y tõnd d beegrã sugri, tɩ tõnd me kõta neb nins fãa sẽn beegd tõndã sugri, la y ra bas tõnd tɩ d kẽ makr pʋgẽ ye.

Kõ-y tõnd d daar o daar dɩɩbã daar fãa.

Fo nifã yaa f yĩngã fɩtla. Fo nif sã n yaa sõama, fo yĩngã tõr tara vẽenem. La a sã n ka sõama, fo yĩngã tõr me bee lik pʋgẽ.

Ned kõn yõgen fɩtl n bao zĩig n solg-a, wall a fõgen-a ne peoog ye. Ayo! A dogend-a-la fɩtl doagendg zugu, tɩ neb nins sẽn kẽedã na yã vẽenem.