Popular Bible Verses from A Mark koe‑noogo 11

Share

Yaa woto yĩng tɩ mam yet yãmba: «Bũmb ning fãa yãmb sẽn na pʋʋs n kose, bɩ y tẽ tɩ y reeg-a lame, la yãmb na yã t'a pidsame.»

Mam yeta yãmb sɩda, tɩ ned sã n yeel tãn-kãngã t'a serg a sẽn beẽ wã n kẽ ko-kãsengã pʋga, la a sã n ka sãmb a sũurã pʋgẽ, la a sã n tẽ tɩ bũmb ning yẽnda sẽn yeelã na n yɩɩme, Wẽnnaam na n kɩtame tɩ yɩ a woto.»

Yãmb sã n yas yĩngr n pʋʋsdẽ, yãmb sã n tara yell ne neda, bɩ y kõ-a sugri, tɩ yãmb ba sẽn be arzãnã me kõ yãmb sugr y beegrã yĩnga.

A Zeezi yeela bãmba: «Maan-y tẽeb ne Wẽnnaam.

Bãmb zãmsa nebã n yeele: «Rẽ yĩnga, b ka gʋls tɩ b na n boola mam doogã tɩ pʋʋsg roog buud fãa yĩng sɩda? La yãmb maan-a lame t'a lebg wagda geongo.»

Neb nins sẽn be a Zeezi taoorã ne neb nins sẽn pʋgd bãmbã dag n kelemdame n yetẽ: «Hozaana! Bark bee ned ning sẽn wat ne Zu-soabã yʋʋrã zugu!

Bark bee soolem ning sẽn wat-a wã, tõnd ba a Davɩɩd soolmã zugu. Hozaana hal saasẽ!»