Popular Bible Verses from A Mark koe‑noogo 14

Share

Bãmb yeelame: «Abba, m ba, yãmb tõee bũmb fãa. Yiis-y bõn-yũudl‑kãngã mam taoore. Baoosgo, da maan-y mam daab ye, maan-y y raabo.»

Neend-y la y pʋʋse n da wa n lʋɩ makr pʋg ye. Sɩɩgã ratame, la yĩngã pãng paoodame.»

Mam yeta yãmb sɩda tɩ dũni tɛk fãa, zĩig ning fãa b sẽn na n moon koe-no-kãngã, b na n togsa bũmb ning pagã sẽn maanã, a tẽegr yĩnga.

Bãmb yeela a Pɩyɛɛr dãmb yaa: «Sũ-sãang n tar maam hal n dat n kʋ maam. Pa-y ka n neende.»

Rɩɩbã wakate, a Zeezi rɩka bur n ning bark n kao n kõ bãmb n yeele: «Deeg-y n dɩ-y-yã. Yõwã yaa mam yĩngã.»

Dẽ poore, bãmb dɩka bõn-yũudla, n ning-a bark n kõ b karen-biisã, la b fãa yũume. La a Zeezi yeela bãmb yaa: «Yõwã yaa mam zɩɩm, kãab-paalg zɩɩm sẽn daag neb wʋsg yĩnga.»

A Zeezi yeela b karen-biisã yaa: Yãmb fãa na n targ n basa maam. Tɩ bõe a gʋlsa a woto: «Mam na n wẽe pe-kɩɩmã, la piisã na n sãeegame.»

Yik-y tɩ d kẽnge. Ned ning sẽn na n zãmb-a maam n yõk n kõ wã kolgdame.»

A Zeezi leoka yẽnda: «Mam yeta foom sɩda, tɩ rũndã, yʋngã bala, sẽn deng no-raoog kɛleng a yiib soabã, foom, fo na n kɩɩsa naoor a tãab tɩ f ka mi maam ye.»