Popular Bible Verses from A Mark koe‑noogo 16

Share

La a Zeezi yeela bãmb yaa: Saag-y dũni tɛk fãa n moon nebã fãa koe-noogã.

Ad bãn nins sẽn na n tũ neb nins sẽn na n tẽ wã: ne mam yʋʋre, bãmb na n diga zĩn-dãmba la b gom gom-zẽmse. Bãmb na n yõga wiisi, la b sã n yũ bũmb sẽn yaa zẽnem, a kõn zab-b ye. Bãmb na n tika bãad-rãmb ne b nusi, la b na n paama maagre.

Ned ning fãa sẽn na n tẽ, tɩ b lis-a, a na paam fãagre. La ned ning fãa sẽn kõn tẽ na kong bʋʋm.

La bãmb karen-biisã kẽngame n moon koɛɛgã zĩig fãa. Zu-soabã tʋma ne bãmba, n maan bãn n tũnug koɛɛgã n wilg t'a yaa sɩda.]

Yẽnda yeela bãmba: Da yɛɛs-y ye. Yãmb baooda Nazarɛt dao a Zeezi b sẽn ka da-pɩkã zugã. Bãmb vʋʋgame. Bãmb ka be ka ye. Ad zĩig ning b sẽn dag n gãneg bãmbã.

La bãmb sẽn zẽk b nens n gese, b yãame tɩ b bilga kugrã sẽn yaa bedr wʋsgã n bas yaoogã noore. Bãmb sẽn kẽ yaoogẽ wã, b yãnda bi-bɩɩg t'a zĩ rɩtgo n yer fu-pɛɛlga, la b yɛɛsame.