Popular Bible Verses from Dan 9

Share

Má tɔ́n maa Lawa, Dɛnaa Lawa nyankɔ, má n mɛ bɔ maa zaman a sii baraan lɛa má pɛ kɛnɛn: «E, Dɛnaa Lawa, man gòã-kũ diɛ n ganaa! N din nə Lawa gole lɛa, n sii n nyɛ́ɛ diɛ. Min mɛnɛn bɛ́ n narɛ, ǹ nə́ n gɔn waa ǹ boon kɛn sii, n lɛ kɔ mɛn wɔ ka bɛn nɛ, n nə n bɔlɔgoondɛnaa lɛa bɛ gɔ́ɔ̃ nɛ, n tá bǐɛ̃ zɛnɛɛ ǹ nɛ.

E, maa Lawa, n too kɔ doɛ̃! Basaã mɛn wɔ yɛ, wɔ laanka n kiwi kɛ nɛ n din tɔ n la, n yii bũ n ga bɛa basaã lɛ-a. A giala, wɔa zɛnaa ǹ sii pepere a lɛa bie toɛ wɔ ń gòã-kũ kɛ diɛ n ganaa wa. Sɛnɛ, n din a makara-doɛ̃ gole kɛ a lɛa nɛ. Dɛnaa, n too kɔ! Dɛnaa wɔa sii baraa lɛ toa wɔ nɛ. Dɛnaa, n too kɔ doɛ̃! N din a lɛa maa Lawa, sii zɛnaa, n baran n lɔlɔɔ wa! A giala, n din a kiwi ni, n din a zaman nɛ.»

Ma bɛ yɛ lɔn, má n lɛ sɔɔ, ma boroo wɔ ma ganaa, ma ton kaa ma ganaa ka gɛ̀ na á gã ma la. Má n yɔrɔ dia Dɛnaa Lawa la, má a nyankɔ, má gòã-kũ da a ganaa.

Sɛnɛ Dɛnaa Lawa, wɔa Lawa, a laanɛ wɔ́ n bɔlɔ tii, n din nə makara boe wɔ ganaa, n tá wɔa sii baraan toɛ wɔ nɛ.

Lɛ̀ sɔbaa giala-nyɔmiɛ̃ lɛ a biikoo li, goledɛnaa lɛ á re die lɛ kɔ kɔn la we min gigiã nɛ. Lɛ̀ sɔɔ ka talɛɛ gɔ́ɔ̃ nɛ, á re minin kurii wúlu-bɔ laanka Lawa gɔ màn nɛ ganaa. Bɛa basaã-kɔle lɛ á re a sii bɔbɔnɛɛn lɛn zɛnɛɛ ka baafuubaa nɛ yǎa basaã woe a din yii a giala-nyɔmiɛ̃ biikoo li, ka a bɛ́ á n pɛ lɔn.»