Popular Bible Verses from TDP 28

Share

Bɛ̀ ká ma bɔlɔ si, ma bɛ́ gɔn waa ǹ boon mɛnɛn tumaa koe ka la pelo, bɛ̀ ká n yiri koa bɛn li ká kɔ ǹ lɛ, kaa Lawa, Dɛnaa Lawa lɛ á re ka siɛ lon, a ka koa kanaa a tɔrɔn tumaa mìi la.

Bɛ̀ ká kaa Lawa, Dɛnaa Lawa lɛ bɔlɔ si sonbore, a bɛ́ re bǐɛ̃ mɛn tumaa zɛnɛɛ ka nɛ, bɛn man ka kɛn nɛ

Dɛnaa Lawa n die ka diɛ nyɛɛnɛ, a re ka toɛ kio wa. Ka n die woe nyɛɛn miɛ̃ duduu, ka a wusii ka kio-n wa. Sɛnɛ, ma bɛ́ kaa Lawa, Dɛnaa Lawa a gɔn waa ǹ boo mɛnɛn lɛn koe ka la pelo, yǎa ka bɛn lɛn sii, ka ǹ tamaɛ, ka koe ǹ lɛ.

Dɛnaa Lawa á re a lon sonbore kɛ lɛ buĩ ka nɛ, a la mu gisĩ kaa gána lɛ la a kɔnpɛ ka a biikoo ne, a barka da kaa nya ǹ dí tumaa ganaa. Kasɛn man die giɔ̀mɔ diɛ tɔrɔ kɔsɔn ganaa, ka dininmaan ba re giɔ̀mɔ siɛ tɔrɔ kɔsɔn lon wa.

Bɛ̀ kaa zɔ́ɔn nə́ yoo ka gialaa, Dɛnaa Lawa á re toɛ ka boo ǹ la. Bɛ̀ ǹ nə́ kɔ zii goon lɛ ǹ nə́ daa ka gialaa, ǹ tá re sasawɛɛ ǹ zii sɔbaa saa, ǹ nə́ baa sii ka nyɛɛnɛ.

Dɛnaa Lawa á re toɛ màn-bii yɛ kaa dɔǹɔn nɛ, ka bɛ́ re n gɔn diɛ dí mɛn tumaa ganaa, á re barka diɛ bɛ ganaa. Kaa Lawa, Dɛnaa Lawa din bɛ́ gána mɛn lɛ koe ka la, á re barka diɛ ka ganaa walan.

Á re kaa soo-kion bǐɛ̃ koe, a kaa wɔ kion bǐɛ̃ kɔ.

Á re kaa wɔ bǐɛ̃ koe piɛ, á re kaa wɔ bǐɛ̃ koe don.

Á re ka gɔ́ɔ̃gɔ́ɔ̃ ǹ nɛnyaanan mɔnɛɛ, a kaa bɔ don bǐɛ̃ kɔ. Á re kaa diin mɔnɛɛ, kaa sèren ne, ka kaa bòen ne.

Bɛ̀ ká kaa Lawa, Dɛnaa Lawa a gɔn waa ǹ boon kɛn tamaa, bɛ̀ ká kɔ a dùũ siin lɛ, á re ka boe a ka koa a din wɔn lɛa, ka a bɛ́ á n liɛ ka-n lɔn.

Á re barka diɛ kaa kɛsɛn laanka kaa dɔǹɔn ganaa.

Dɛnaa Lawa nə n lɛ kɔ ka digolon la mà á re bǎã mɛn lɛ koe ka la, á re yii-nyɛɛ koe ka la bɛa gána lɛ nɛ: á re toɛ ka gɔ́ɔ̃gɔ́ɔ̃ ǹ nɛnyaanan nə mɔnaa taãn-taãnɛ, kaa tɔɔn nɛ, ka ka bɛ́ màn mɛn yii kaa tán dí gɔ́ɔ̃ nɛ.

Tɔrɔn mɛnɛn bɛ́ gána lɛ nɛ, ǹ tumaa á re doɛ̃, mà ka n Dɛnaa Lawa wɔn lɛa, ǹ tá re nyɛ́ɛ biɛ ka nɛ.

Ma bɛ́ n gɔn wɛɛ ka nɛ ka boon mɛnɛn tumaa-n pelo, ka nyan kanaa ka n bɔ bɛn kio, ka wo gusin hinlaa gɔsɛ, ka kiɛ̃ lawa kɔsɔn kio, mà ka n dí nyɛɛ bɛn man wa.

Sɛnɛ, bɛ̀ ka n too kɔ kaa Lawa, Dɛnaa Lawa lɛ lon wa, ma bɛ́ a gɔn waa ǹ boon laanka a landa boon mɛnɛn tumaa pii ka-n pelo, bɛ̀ ka n yiri koa bɛn li ká kɔ ǹ lɛ wa, bɔ̀n da ǹ siin mɛnɛn bɛ́ re ka yii, bɛn man ka kɛn nɛ