Popular Bible Verses from मर्कुस 13

Share

अ़ङ्‌का कात़ङ्‌चिओसा झारासा खानानिन ऩङाऩछिरिन। मेन साङ आदेङ्‌तारि साकोङ्‌छ़ङ मुयुङ, मो लेन।

खोन्‌ओसा चाप्‍चेत्‍तानिन्‍चिन! चुम्‍सानिन्‍चिन! देकिनालो मो ग़रि देम्‍खा ता ओ खानानिन त़सिन्‍तिमिन्‌येन।

मोचिआ खानानिन ऩलाविन खोन्‍कि सेन्‍खादा ऩतारिन मोन्‍ग़रि दे य़ङ्‌माओ निकिना बुयाङा मिन्‍राक मान्‍मुदानिन। मेन मोन्‍ग़रि खानानिन दि निनाम्‍हाङ्‌आ ऩलोन मो चेवानिन, देकिनालो काचेप खानानिन माआङ, मेन सेङ्‌लावा ओ।

निनाम्‍मा खोन्‍कि हेन्‍खामा लुक्‍खात, मेन अ़ङ्‌य़ङ देम्‍खाछाङ अ़लुक्‍निन्‍खात्‍निन।

मेन मो लेन माङ्‌लो ग़रिओ अ़तुक्‌वादा साङ्‌आछाङ अ़सिन्‍तुन्‌योन, ना निनाम्‍मादुओ निनाम्‍हाङ काफाचिआ ना निनाम्‍हाङ्‌ओ अ़छाआङा, मेन निनाम्‍हाङ पापाआ ओन्‍ङा अ़सिन्‌याङ।

खानानिन्‌आ च़क्‍चिदात्‍नि म़लियाङ्‌ओ ङेन्‌चि खोन्‍कि अ़थाह्‍तात्‍नि लिमा मुयाङ्‌ओ ङेन्‍चिओ य़ङ्‌खान्‌चि त़एनुम्‍च़म्‌हिदा मान्‍क़दानिन। खानुम, ओ झारा य़ङ्‌चि लिमाङादोत, मेन अ़लुक्‍मा तामा ना हान्‍छाङ युङ्‌याङ।

खोन्‌ओसा चाप्‍चाप्‍चाप्‌वा युङानिन! देकिनालो खिम्‍हाङ्‌पा देम्‍खा लाता खानानिन त़सिन्‍तिमिन्‌येन। खो ना अ़नाम्‍प़क्‍साऱङ, अ़दाक्‌वा खाखुत, वापापा ओक्‍मादा माङ्‌लो अ़वाय़ङ लामातामा ऱ। खोन्‍कि म़प्‍च़क़क्‌दा म़तादिनालो खोसाआ खानानिन त़इम्‍सिन्‌येन्‌ओ त़धिरिमिन्‍ने! अ़ङ्‌का खानानिन दे लोनानिन, अ़ङ्‌का झाराकापाङ लोनानिन, चाप्‍चाप्‍चाप्‌वा युङानिन!”

देकिनालो रावाओ अ़देङ्‌सालाप्‍पादा रावाङा पुक्‍लोन, खोन्‍कि हाङ्‌होन्‌ओ अ़देङ्‌सालाप्‍पा हाङ्‌होन पुक्‍लोन। झारादात्‍नि लुत्‍लिचि म़खात, खोन्‍कि स़ङ्‌साक्‌वाचि म़लु। मेन ओचि ना छातोक्‍मा दुखाओ अ़पुङ्‌मान्‍चिन ओन्‍ङा ओ।

खोन्‍कि बुया झारा रावाचि नुय़ङ्‌खान खाएत्‍माचिदोत।

देकिनालो ब़द्‍धे म़नाचि अ़ङ्‌ऩङ्‌दा ‘अ़ङ्‌का ख्रिस्‍त ओ!’नि य़ङ्‌सा म़ता। खोन्‍किना ब़द्‍धे म़नाचि म़थेम्‍सुचि।

मेन खानानिन चाप्‍चेत्‍तानिन्‍चिन, देकिनालो म़नाचिआ खानानिन छ़ङ्‌छेन्‍खाचिदा ऩखात्‍तिन, खोन्‍कि मोचिआ अ़चुओ यावायोक्‍खिम्‌चिदा य़हुप ऩपाक्‍तिन। खानानिन अ़ङ्‌का कात़ङ्‌चिओसा हाङ्‌कामुचिओ खोन्‍कि हाङ्‌चिओ अ़चुबुदा मोचि सालुम्‍स़ङ प़सि त़एविन।

देकिनालो सोज्‍जेओ ख्रिस्‍तचि, खोन्‍कि सोज्‍जेओ निनाम्‍हाङ्‌य़ङ खाकालुचि म़लोन, खोन्‍कि लिमा ऱनालो छेन्‍माय़ङ्‌चिछाङ थेम्‍माखात्‍माचि निम्‍पाङ बुन्‌चि खोन्‍कि म़दोम्‍दाओ काचिचिछाङ म़मुचि।

मेन मो तोक्‍पो अ़चाअ़त्‍मा लेन्‌चि म़चिन्‌किना नाम कुन्‍चियाधेक्‍धेक लि, खोन्‍कि लादिप्‍माआ अ़साम अ़प़न। खोन्‍कि साङ्‌केन्‍माचि नाम्‍छ़ऱदुङ्‌का म़धा, खोन्‍कि नाम्‍छ़ऱदुओ सावाचि म़ङाङ्‌खात।