Popular Bible Verses from लूका 12

Share

टुह्र फे जागा रहो। टुन्‍हक नैचिताइल समयम मै मनैयक छावा, अइबुँ।”

तर परमेश्‍वरक राज्‍यक खोजी करो, यी सब चिज टुँहन देजाई।

तब उहाँ हुँकन कल, “होस करो, ल्‍वाभलालचसे बचो, काकरकि धनसम्‍पत्ति सस्‍ता रटिम, जीवन खुशी होजैठा कना बात नैहो।”

जहाँ टुन्‍हक धन रही, उहँ टुन्‍हक मन फे रही।

चिन्‍ता कैक टुह्रमध्‍ये के आपन आयु एक घण्‍टा हुइलसे फे बह्राइसेक्‍ठा जे?

तबदोस्र येशू चेलन कल, “उहओर्से मै टुँहन कहटुँ, आपन प्राणक लाग का खैम, का पियम कैक ओ आपन शरीरक लाग का लगैम कैक चिन्‍ता जिन करो।

टुन्‍हक त झन् वास्‍ता कैक टुन्‍हक एक-एक भुत्‍ला समेत गनगैलबा। उहओर्से टुह्र जिन डराओ। बहुत गिउँरनसे फे टुह्र धेर मूल्‍यवान बाटो।

“टुह्र भेँरीन्‍हक छोटी बगालअस रलसे फे, टुह्र जिन डराओ, काकरकि परमेश्‍वर बाबा टुँहन आपन राज्‍य देहक लाग खुशी बाट।

कौवन हेरो! हुँक्र ना बुइट, ना कट्‍नी कर्ट। हुँकन्हक डेह्री ना बखारी कुछु नैरटन। तर फे हुँकन परमेश्‍वर खवैठन। टुह्र त चिरैँचुरुङ्‌गनसे फे धेर मूल्‍यवान बाटो।

का खैबी, का पिबी कैक खोजी जिन करो, ओ वाकर बारेम चिन्‍ता फे जिन करो।

आज रना ओ काल आगीम फाँकजैना घाँसह त, परमेश्‍वर असिक सँप्रैठ कलसे, उहाँ टुँहन झन् मजासे नैसँप्रैहीँ का? खै टुन्‍हक विश्‍वास?

मनैन्‍हक मनक छोपगैल सब बात उघारजाई। गोप्‍यम रहल सब बात प्रकट कैजाई।