Popular Bible Verses from Jẹnẹsisi 26

Share

Biri imẹ alịnị rịkẹ abịamabịa. I mẹ ẹ, m k'a nọyen'i, gọzi i — makẹni m jẹnkọ d'e we alịnị ile ye yụ lẹ ụmụ ị — m k'e mẹzu nkwa m kwe Ebraham nẹdi i.

M k'e mẹ ụmụ ị barahị rịkẹ kokisẹ rị elu-igwere; m k'e we alị ndịnị ile ye ụmụ ị; alị ile rị elu-ụwa k'a gha ẹka nwa ị nwọnrin ngọzi wẹ — makẹni Ebraham gi oku m dọn, mẹ ihiẹn m chọ lẹ ihiẹn m sị a mẹ, dọnmẹsọnmẹ iwu m lẹ uhi m.”

Ọ nọ gha ebahụn kwarị. O guzi ọmị, kanị eduzini wẹ ẹ nwan zụọ hụnnị; ọ nọ nwan kpọ a “Rẹhobọtụ”, ya ọ nị sị, “Echẹn kẹ Osolobuẹ mẹ wẹ yeni ẹnyi efe; ebeni kẹ ẹnyi a nọ ban ihiẹn.”

Ya Osolobuẹ nọ bịa d'e kunrun Aziki, sị a, “Ejẹnlẹ alị Ijiptu; ka nọdị alị m k'a ghọsị ị.

Ya ọ nọ rụn ukpo nchụn ẹjan ebahụn, nọ ebẹhụ kpọku ẹfan Osolobuẹ, fe ẹ; ọ nọ biri ebẹhụ; omẹgụ, idibo ẹ nọ gu ọmị ye ebahụn.