Popular Bible Verses from Makị 13

Share

Ize ụnụ jẹnkọ d'a ban ịhịan ile makẹ ufiri m. Kanị onyẹ din ndidin d'e ru njẹndemẹ kẹ Osolobuẹ sikọ d'a zụọpụha.

Kpachanpụ nị nwan ẹnya; mụnrụn nị ẹnya, makẹni ụnụ amarịn ogẹn o k'a wụ.

Wẹ nwụnrụn ụnụ, we ụnụ shi ọgwa, ehuelẹ ni uhue ihiẹn ụnụ jẹnkọ d'e ku, ka ku ni ihiẹn ọwụlẹ Osolobuẹ jẹnkọ d'e ye ụnụ ogẹn hụ, makẹni ẹlẹ ụnụ jẹnkọ d'e ku kanị Mmọn-nsọ.

Igwere lẹ ụwa k'a gụ, kanị oku m k'a bụnrịrị.

“O mẹ nke ụhụọhịn o k'a wụ mọbụ ogẹn o k'a wụ ụhụọhịn hụ, onwọnni onyẹ marịnnị, kẹ ndị mmọn-ozi rị elu-igwee kẹ mmẹ Nwa-Chuku; Chuku-Nẹdi sụọ marịn.

Ogẹn ụnụ jẹnkọ d'e gi nụ oku agha — kẹ hụn wẹ rị a lụ kẹ hụn wẹ kelẹni lụma; atụkwọlẹ ni egun. Ihiẹn ndịnị jẹnkọ d'e mẹ bụ ọgụgụ-ogẹn e ke ru.

Mụnrụn nị nwan ẹnya, makẹni ụnụ amarịn ogẹn di-nwọnni ụnụ hụn ụnụ rị iwe ẹ k'e gi lụa — kẹ ogẹn ẹnyasị rọ-o, kẹ imẹ abalị rọ-o, kẹ ọkpa kwan rọ-o, kẹ eki fọnmẹ rọ-o, onwọnni onyẹ marịnnị. Amamgbe ọ lụa idẹnmizi, ọ hụn ụnụ kẹ ụnụ rị a ranhịn ụran. Ihiẹn m rị a gwa ụnụ kẹ m rị a gwa onyẹ ọwụlẹ: mụnrụn nị ẹnya!”

“Alị sikọ d'a lụsọn alị; alị-eze a lụsọn alị-eze, alị k'e mẹhunmẹ ụzọ ile; ụnwụn sikọ d'a rị; kanị, ihiẹn ndịnị nọ kẹ ebe imẹ nọhụ mẹmẹ okpoho.

“Wẹ k'e zigbarịgụ ndị alị ile oziọma.

Ndị bu ọda jẹnkọ d'e gi ẹfan m bịa, a sị, ‘Mmẹ wụ Kraịstị, Onyẹ Ahụn Osolobuẹ Tumẹ!’ Wẹ sikọ d'e gi ẹ dufie ndị bu ọda.

“Ụnụ nwẹn, kpachanpụkwọ nị ẹnya; makẹni wẹ jẹnkọ d'e wejẹn ụnụ ọgwa ichẹn-ichẹn, gbu ụnụ ili imẹ ụlọ-ofufe ichẹn-ichẹn; ụnụ jẹnkọ d'e wuzo ihun ndị Gọvanọ lẹ ndị-nze makẹ ufiri m; ọ wụrụ oghere ụnụ e gi shịanị m ẹri.

Ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha. Wẹ jẹnkọ d'a rụnsọnmẹ ihiẹn ahịma lẹ ọrụn-atụmẹnya kẹni wẹ dufie ịhịan, kẹni wẹ dufiedẹ ndị Osolobuẹ họrị — omẹni o te k'a nị mẹ.

“Ogẹn hụ, ogẹn afụnfụn hụ ghafegụhụ, ẹnyanwụn jẹnkọ d'a gba ishi, ifọn etibehi; kokisẹ jẹnkọ d'a gha elu-igwere a danye alị, ikẹn ndị rị elu jẹnkọ d'e mẹhunmẹ.