Popular Bible Verses from Lucas 13

Share

Jesus aiki, ‑“Taka holeo wi, ĩ taka ilolo opii ĩ taka na töpö satehe epii töpö lisipo pi topa apa kitä maaki, ĩ töpö satehe epii töpö lisipo tai mi pasi kitäö!” ĩ na sa kuu kule. Önö kutenö, ĩ taka na makö lisipasopö, pö kasiapaloö!

Töpö pi hatukamati tä, suö tä waloköma. Sai tänö ĩ a saliamati noai, satehe epii, ĩ 18 tä inama kui tä inama hasua waikipasoma. Sai tänö a saliama apatima kutenö, a huu makoko totio mai, a huu kusuho opa sinomotima. Jesus anö ĩ suö tä huu talalö nö, a nakalö nö, ‑Suö ai. Sai tänö wa saliamati noai, ĩ tä mataso keö!‑ ĩ na a kuu nö

a ami waliköma, ĩ tökö soatawö, ĩ suö tä öpa salilia kõo soatasoma. A öpa salilia kõo soatalo nö, ‑Teusö a toita apöö! A lotete epö asawöö!‑ ĩ na a kutima.

Huki töpö noa totile, waiha ĩ ai töpö palua totia asapaso kitä. Huki töpö palua asale, waiha ĩ ai töpö noa totipaso kitä. Huki töpö komoapalo sinomo wi, waiha ĩ ai töpö hösöka asa kopaso kitä. Huki töpö hösökapalo asatio wi, waiha ĩ ai töpö komoapalo hö̃töo kõo kitä‑ ĩ na Jesus a kuuma.

Sai a õsimö ha pata tä kule, ĩ a hokötalo nö, ĩ taka laa lätaki kitä. Sai a atu ha makö kule, ĩ makö waloiki nö, makö lalupalo nö, “Kaikana ai. Samakö lisiapamanöö!” ĩ na makö kuu kitä maaki, “Makö tai mi ipöö!” ĩ na pata tä kuu hö̃töo kitä.

Ĩ töpö wanisala satia apa maama. “Kamakö aiki, ‘Wanisala sa tä thaa wi ĩ sa. Wanisala sa tä thaa wi ĩ sa tä hosa pi topa apa kuleö!’ ĩ na makö pi kuu mi tä, ĩ töpö säa kupaso noai na, ĩ na makö kua hö̃töpaso kitäö!” ĩ na kamakö na ĩ na sa kuu kuleö!‑ ĩ na Jesus a kuuma.

“Ma. Makö tai mi ipö. Pö hua kononö. Wanisala ma tä thaa wi ĩ makö pasiwö” ĩ na pata tä kuu totio kitäö!

Ĩ na tä kua nö, Jesus a hapalo soalö nö, ‑Teusö a kaikanamo wi, wi na tä kua wi na, ĩ na ĩ tä kuaö? Ĩ sa ta kateha pia manu kule, ka pi sa ta uni wäsäpö?‑ ĩ na Jesus a kuu nö, ‑Mosötahata mo wai haa kua wi na, ĩ na Teusö a kaikanamo wi ĩ na ĩ tä kua hö̃töoö. Ai tänö mosötahata mokö tälö nö, hikali a ha mokö somösöakö nö, mokö wai alukusi ipii maaki, mosötahata ösö haalo nö, hii tiki kui na ĩ na ösö wai kupasoö. Ĩ na ösö kupasoö ha, ĩ ösö poko ha salo pö ose wainö sapuku a thaki. Ĩ na tä kua wi na, ĩ na Teusö a kaikanamo wi, ĩ na ĩ tä kuaö‑ ĩ na Jesus a kuuma.