Popular Bible Verses from Jâan 17

Share

Amö bata andjê ngbî bëte mö lə̂ köbosə̂ lëge pö. Pö ndə̂ zə̈ wätə̂ lëge pö.

Dëkë tchîsûwu ndə̂ logbɛ̂ logbɛ̂ nə̈ wä ndə̂kə̂ pa azü wunsə̂ zə̈, momö ndə̂ mo wâtə̂ lëge Ndjapä balë, ndjë la Jezü Krîsiti tchanə̈ ndə̂ mo wân tchë.

«Më yûâbo mö kütû bëte adjisîpili ndə̂ mê âtə-a, praâbalë më yü ndjë mö bëte andjanə̈ ndə̂ andjê zadje su andjê sə̈ mê lə̂ köbosə̂ pö ndə̂ andjê. Më tö pö sə̈ mö ndə̂kə̂ pa andjë wa balë. Bha mê, mo kä balë la mê, më wâ ndjë balë la mö. Äwäpä andjë wa balë la azə̂, ndə̂kə̂ pa azü tchêbêche gamba rə̂ pä momö kä ndə̂ âwân mê.

Më yûâbo kû nə̈ sə̈ mö ndə̂kə̂ pa mo ji andjê pâ cho âtə-a, praâbalë ndə̂kə̂ pa mo bata andjê tə̂ Ngbongbo akrə.

Kə̂ lusə̂ mê ndə̂ mo lusə̂ mê lâme, më lûsə̂ andjê nə̂, ndə̂kə̂ pa andjë wa balë, batə̂ rə̂ ndə̂ momö la mê wâ balë lâme. Mëmê la andjê, ârâ wä balë batə̂ rə̂ ndə̂ mö wâ balë la mê, käko ânyë andjë wa balë tə̂ lëge nə̈. Tchâme, azü tchêbêche wunsə̂ nə̈ pä momö kä ndə̂ âwân mê, ânyë mo nyïndə̂ andjê batə̂ rə̂ ndə̂ mo nyîndə̂ mê.